الاثنين، 30 يونيو 2008

سلسلة أنفاس الغضب ( فلسفة النفخ )


البيان الثانى


----

فلسفة النفخ

.....

_______________

_____________________________

_____________________________________


..

( إعتذار واجب :اعتذر اليكم رفاقى على تأخرى عما وعدت به ألا يزيد الفاصل الزمنى عن ثلاثة ايام بين كل بيان من سلسلة أنفاس الغضب ولكن هذا لعذر قاهر . تقبلوا عذرى )

.....

فلسفة النفخ

النفخ فعل يعنى نفث الهواء من الفم خارجا

وهو من نفخ .ينفخ . نفخا

فهو نافخ وهى نافخة ..ومن الممكن ان نقول هو منفوخ وهى منفوخة والجمع منفوخون ومنافيخ

...

لنخرج من القاموس الان

..

النفخ الذى اتحدث عنه ليس ما يفعله الطفل الذى يطفئ شمعة الميلاد

وليس ايضا ما يفعله عازف الأبوا ..ولا الناى

وانما اتحدث عن نوع اخر من النفخ

وهو ما تمارسه الشرطة الموقرة وأمن الوطن الذى فقد الأمن

حيث يتم نفخ المعتقل او المتهم او المعارض او المتظاهر او اى حد يقل ادبه على النظام المقدس

.....

والنفخ كوسيلة يتم باستخدام جهاز يسمى الكومبروسر .. أو منفاخ عجلاتى

وبالطبع ليس المنفوخ هو الكاوتش......

وانما أفراد اساءوا الأدب وظنوا وتوهموا أن لهم حقوق أو انهم من ذاك الجنس المدعوا إنسان

ونسوا انهم من تلك الممتلكات المسماة مصريين

والنفخ اعزكم الله يتم بوضع فم المنفاخ فى ..... عارفين طبعا

ويتم النفخ

وهو شعور بشع ناهيك عن اثاره الخطيرة والاامه التى لا تطاق

فانه اهدار لكرامة الشخص وانسانيته

(تنبيه هام كاتب المقال لم يجربه ..على الاقل لحد دلوقتى )

وهواسلوب فريد ابتكره عباقرة امن الدولة الذين سبقوا زويل والبرت اينشتاين وماكس فيبر

وقاموا بهذا الاختراع مع براءة اختراع مصرية خالصة

...

ولما تأملت فى اساليب التعذيب العالمية وجدت ان الرومان كانو يستخدمون المخلعة وهى حبال تربط فى الجياد ويشد المعذب فى اتجاهات متضادة

والفٌرس يستخدمون الناقوس النحاسى الذى يٌوضع به المعذب ويطرق عليه محدثا اصوات رهيبة

والصينيون يستخدمون الصنبور الشهير

والامريكان الايهام بالغرق

وكل دة متوفر عندنا بردو والحمد لله طبعا

لكننا غلبنا هذه الامم المتخلفة باختراعنا البديع وهو النفخ

...

ولكنى تعلمت من الفلسفة أن تكون نظرتى أكثر عمقا

فوجدت ان النفخ قد خرج من اسوار سجن العقرب وجابر ابن حيان وزنازين الاقسام

الى فضاء الوطن الرحب

فاصبحنا نرى نفخ أمة

لان نظامنا يؤمن بالعروبة ملهما وتراثا ولذلك يطبق الامثال العربية بحذافيرها

وعلى رأسها (جوّع كلبك يتبعك سمن كلبك يأكلك )
.
فطبقوها مع بعض التعديلات البسيطة
(انفخ شعبك يتبعك سمن شعبك يخلعك )
..

وقد كان فجاع الفقراء ومات ابناء شعبى جوعا وقهرا وذلا

وصار النظام على طريق من البطون الخاوية تحرسة الافواه الفاغرة

فصار حال النظام مع شعبنا (دع القافلة تنبح والكلاب تسير )

فتحولت امة عزيزة مفكرة الى امة من الجياع ياكل بعضها بعضا

فاصبح النفخ واقعا شعبيا


.....

ولكن أوليس الشئ الذى ينفخ يكبر ويكبر ويكبر

ثم ينفجر

فليحذر النظام من عقوبة نفخ الشعب لان بطون الشعب خاوية وعندما يدوى بها الهواء

سينفجر ويتبعثر

وساعتها سيدفع كل طاغ ثمن طغيانه

وساعتها .....

وساعتها....

سيعرف الطغاة ان الذى يذوق الذل يتعلم قسوة الانتقام

ومن يتجرع سلب الكرامة يتعلم سلب الارواح

...

فمتى يا أمتى تكتفين من الذل

ايها المنفوخون

متى تنفجرون

(يا أمة ضحكت من نفخها الامم )

(وليسامحنى المتنبى فى تحريف شعره )

....

بقلم

____________

مواطن مصرى منفوخ


هناك 15 تعليقًا:

Aиgel يقول...

نور الدين

عارف بيانك ده بيفكرني بمعرفش مثل ده ولا جملة ولا ايه بالظبط ..
اللي بيقول هم يبكي وهم يضحك

بس دمي محروق بجد من كل اللي بيحصل
وبالرغم من أن كلامك في الصميم إلا أنه ضايقني ..

صِعب عليا حالنا ...
ربنا يريحنا بقى من الظلم والقهر اللي أحنا عايشين فيه

والنفح ده كمان اللي أنت بتقول عليه ....ربنا ينتقم منهم أعز انتقام

مستنية البيان الثالث وربنا يستر عليك..
Angel Love

رئـــــيسـة حزب الأحلام يقول...

حسبى الله ونعم الوكيل
ربنا يستر علينا من النفخ
تحياتى لك

غير معرف يقول...

السلام عليكم
يا سيدي و الله انتفخنا او بالاحرى فكرتنا بانتفاخنا لاننا منفوخين في الاصل
الحقيقة مرة و هده امر حقيقة افقنا عليها فعلا واقع مرير و حقيقة امر
لكن لا يسعنا الا ان نقول حسبنا الله و نعم الوكيل لكن لا ننسى ان الله يمهل و لا يهمل
و للظالم يوم و للمظلوم اسنجابة سريعة اللهم احفظنا
شكرا على هدا البيان من انفاس الغضب الدي هو تعبير حقيقي عن واقع نحياه و لا نحس به لاننا قافلة تسير فقط
تحياتي

سفينة يقول...



أخي العزيز / نور الدين

السلام عليكم ورحمة الله وبركاته

بحييك علي كلامك وموافقك عليه جدا عشان يمكن الواقع اكتر كمان من كده وللأسف ....

رااااائع كالعاده

خالص تحياتي

قبطان

غير معرف يقول...

عارف ياعم المنفوخ نفخاً تنفخاً انت
الصورة اللي ساعدتك جايبها دي من سجن ابوغريب
الصورة دي اول مرة شوفتها قعدت اكتر من شهر بيجيلي كوابيس
بالذات الصورة دي دوناً عن الصور كلها فعلاً بترعبني وانا قليل لما حاجة تخوفني فمبالك دي بئى مش خوفتني وبس

اعمل فيك ايه دلوقتي دانت زي متكون عارف

والله بجد يانور بخاف منها جداً جداً جداً وبتجنب ابصلها خاااااااااااالص
ولو جرالي اي اعراض بسببها النهارده وانا نايمة

هيكون نفخك على ايدي .. وهبلغ عنك
اه هتون عليا العشرة انا ندله

بوست مؤلم جداً يانور ربنا يسامحك واسلوب سردك اكتر ايلاماً

غير معرف يقول...

متنساش بئى البوست الجاي تجبلي ساكتة قلبية ها
مستنية انــــــــا

Mkjwe يقول...

مدونة صراحتن جميلة وبوست أجمل .... نسيت شيء مهم أنفاس الشيشة أهههخخخ صراحتن بوست جميل جداً تقبل مروري وتحياتي لك

غير معرف يقول...

ايه يانور انت فين
نفخوك ولا ايه؟!!!!!!!!!!!!!!!!
قلقانة عليك والله
ربنا يستر

نور الدين (محمد الجيزاوى) يقول...

انجل الف سلامة عليكى من حرق الدم
لو شوفت حد بينفخ شعب برئ يبقى انت اكيد اكيد فى مصر

نور الدين (محمد الجيزاوى) يقول...

رئيسة حزب الاحلام
اهلا بك نورتينى
وانا اردد معك حسبنا الله ونعم الوكيل
وطبعا ربنا ما يكتب علينا نفخ ابدا

نور الدين (محمد الجيزاوى) يقول...

جاسمين
اهلا بك
نعم نحن قالفة تنبح لا تسير ولكن الكلاب هى من تسير
وسياتى يوم تربط فيه الكلاب من اعناقها
سلامى لكل اهل المغرب

نور الدين (محمد الجيزاوى) يقول...

الحبيب سفينة
الرائع هوقلمك والغالى هو مرورك
اهلا بك دائما
لك كل ود ومحبة
وسلامى لاخويك

نور الدين (محمد الجيزاوى) يقول...

نورة الخشن
عيب عليكى تبقى من عيلة الخشن وتهزك صورة زى دى طب لما تجربى بنفسك بقى هيحصل ايه
طبعا هتعترفى علينا واحد واحد من عارفك قوية
وطبعا يستى يارب ميجيلك كوابيس ولا غيره وتنامى
وانصحكافضل حاجة للنوم كلى حاجة تعمليها بايدك اكيد هتخليكى تنامى فترة طويلةجداااااااااااااا

نور الدين (محمد الجيزاوى) يقول...

L0vElYGh0sT14
اهلا بك سيدى
لا الشيشة دى نفخها سهل
واشكرك على مرورك
وارجو التواصل

نور الدين (محمد الجيزاوى) يقول...

متقلقيش يانورا لسه عايش
فكرتينى والله بواحد صاحبى سألته اخبارك ايه
قالى ( الحمد لله حى اُنفخ)