الثلاثاء، 6 أكتوبر، 2009

حاجة تقرف





حاجة تقرف
_______________

........

معلش يجماعة صحيح انهاردة يوم هايل ربنا وحده يعلم قد ايه انا بحبه اليوم دة كان الوحيد يمكن فى نصف قرن كامل او يزيد اللى عرفنا فيه معنى العزة ولذة النصر
لكن انا هكتب فى موضوع تانى غير نصر العاشر من رمضا ن السادس من اكتوبر العظيم
هتكلم فى حاجات قرفتنى ولسه قرفانى واعتقد هتفضل تقرفنى كتيير
فقلت مفيهاش حاجة لما اقرفكم معايا مهو مش معقول اتقرف انا لوحدى نقضيها بقى كلنا قرفانين
.....................
والله مش عارف ابدأ بايه نبدأ بامبارح :
امبارح انا كنت نشرت بوست بعنوان (حسبنا الله ونعم الوكيل ) ردا على واحدة سافلة قليلة الادب كانت بتشتم الشيخ ابو اسحاق الحوينى عالم الحديث الجليل وبتصفه بكل بساطة نصاً بانه : ( حيوان جاهل ابن جاهلة ) وان المنقبات بيلبسوا النقاب عشان يروحو البيوت المشبوهه
انا رديت عليها ببوست ذبحتها فيه ذبح شاةٍ جرباء ورجمتها كما يُرجم كلب مسعور
لكن دخلت الاخوات الكريمات صفاء والدكتورة الخلوق نور والاخت سلوى وعبير ونوره والاخ الكريم ابو على ومصطفى واخى الحبيب احمد يطالبوننى بألا أنزل لمستواها وألا أعطيها اهتماما ً
طب يعنى انا لما حبيت امسحها واطلع غيظى فيها قلولى بلاش طب نسيبها كدة عمالة تفترى على خلق الله ونكظم فى نفسنا لما نتشل ؟؟؟
بذمتكم مش حاجة تقرف

.....
وزير العدل ورئيس نادى القضاة قررو تشكيل لجنة لمحاسبة المستشار النبيل الامين الشريف ( الخضيرى ) لييييييه بقى ؟؟
لأنه أهان القضاء .. والله ياجماعة اهان القضاء .. ازاى بقى عشان قال ان القضاء يتم التدخل فيه من جانب السلطة التنفيذية
( بفتح السين )

ولأن القضاة الشرفاء يتم التضييق عليهم وكأن الرجل قد قال كذبا وزورا
قوووووووم اييه على الراى العمدة سليمان غانم
سيادة الوزير الكلمة حرقته اوى وخصوصا ان الراجل استقال من منصبه كاحتجاج علي الوضع المتردى
فسيادة الوزير مخدش باله من ان فى آلآف الأحكام صدرت عن القضاء وضرب النظام المصرى بأحكامه عرض الحائط وقال طظ فى القضاء وابوه
ودة عادى عند سمو الوزير لكن الخضيرى يقول ان القضاء مهان لالالالالا ميصحش ويتحاسب ويتم وضعه على السفود
السفود حاجة كدة زى الخازوق بس باللغة العربية بقى
بذمتكم مش حاجة تقرف
...............
وابو مازن ابن .......... ولا بلاش عشان اختى الكريمة ملاك بتزعل لما بشتم الكلاب ولاد ال .... بردو بلاش
ابو مازن قرر يشكل لجنة ليه ياولاد ؟؟؟ عشان يعرف ليه تم تأجيل محاسبة مجرمى الحرب فى الامم المتحدة
رغم انه هو اللى طلب من سفير فلسطين الدائم التصويت على التأجيل بعد ما العالم كله استعد لمحاكمتها لكن اسرائيل طلعتله شريط لطيف مسجل لسموه وهو بيضغط على ايهود باراك ان الحرب تستمر على غزة ورئيس السلطة بيقولو اضرب مخيم جباليا وادخل من شرق القطاع وانت هتخلص عليهم وهتسلم حماس قووووم ايه ايهود باراك اللى هو يهودى وابن كلب يعنى جدا
قاله يا ابو مازن فى مدنيين كتيير هيموتو
دة مين ايهود باراك اللى بيقول
فقوم عمنا ابو مازن يقوله مش همه اللى اختاروا حماس دى الطريقة الوحيدة عشان حكمها ينتهى
والله العظيم كدة يا اخوانا والمقال اتنشر فى النيوزيك والاندبندنت ونييورك تايمز
ابو مازن إختيار العرب الوحيد والممثل الرسمى للفلسطنيين هو اللى بيقول كدة وصديقتى هديل القدوه حفيدة ياسر عرفات هتزعل طبعا لما تقرا الكلام دة عشان هى فتحاوية
طب بذمتك ياهديل مش حاجة تقرف
..................
وانا رايح شغلى فى الزمالك باخد الدائرى وانزل من المحور على كوبرى 15 مايو وهوب ابقى فى ابو الفدا
المشوار بياخد ربع ساعة
لكن الاسبوع اللى فات ودة بيتكرر كتير كان سمو رئيس الوزراء احمد نظيف ... نظيف جدااااا
كان معدى جاى من اكتوبر فطبعا ميصحش ان عينه المقدسة ترى الحشرات الشعبية من امثالى انا والدهماء اللى جتهم داهية ملوا البلد عارفينه النوع دة طبعا اللى اسمهم مواطن مصرى
فانا بقى اتنفخ واتمسمر على أم الدائرى لمدة اربعيين دقيقة عشان ممنوع النزول وظل الله فى الأرض يسير على الطريق
ويتحرق الشعب والناس واللى جبوهم المهم سموه يعدى و.... مرتاحة على الكرسى
النقط معناها مشاعره الرقيقة
طب بذمتكم مش حاجة تقرف
........................
وانا بقى بدور كدة على جوجل كعادتى العقيمة عن اخبار المسلمين الغلابة فدخلت على اخبار الصومال المتبحتر من ربع قرن
وافتكرت بقى تصريح لسياة الرئيس المبجل صاحب الضربة الجوية الاولى القائد الضرورة الفذ ( مبارك)
سعادته بقى بيقول ايه اه والله العظيم بنفسى قريته فى الجرائد المصرية الرسمية
بيقووووووووول ( مصر متفهمه دوافع أثيوبيا لغزو الصومال)
ينهار مهبب مصر .. درع الاسلام وسيفه وام العرب وخالتهم وبنت عمهم متفهمه دوافع الاثيوبيين الاحباش النصارى لغزو بلد مسلم فيه 18 مليون موحد
ليه ياريس عشان العيال ولاد الذين الوحشين بتوع المحاكم الاسلامية اللى عايزين يطبقوا الشريعة والاسلام ميحكموش
الظريف بقى ان طلع جماعة قوية سلفية اسمها (حركة الشباب المجاهدين) دى بقى مبتهزرش
إسلااام يعنى إسلام فلقت ان المحاكم الاسلامية بدأت تسوق الدلال على امريكا وتداعب اثيوبيا وتقول ياجماعة مش لازم الاسلام بحذافيره فحركة الشباب ثارت عليها وحاصرت مقديشيو واستولت على مدينة بلدوين الاستراتيجية
قوووم ايه
حركة المحاكم الاسلامية اللى هى المفروض اسلامية يعنى تستنجد باثيوبيا المسيحية وامريكا الصليبية عشان تتدخل عسكريا وتقولهم الحقووو فى ارهابيين بيقولو حكم بالاسلام والقرءان والحاجات الغريبة دى
يخراشى يانقراشى يالهوى يا مستهوى ياخرابى ياعرابى
اسلام اييييه بقى وبتاع ايه الله يخرب بيوتكم
بذمتكم مش حاجة تقرف
.............
اختنا حنان التونسية طلبت منى رايي فى شخص معين بس مش دى القضية
بس لما بدخل مدونتها بفتكر تونس الخضراء ارض القيروان ومعبر الاسلام إلى افريقيا والاندلس
واول ما افتكر تونس افتكر رئيسها العظيم ( الكريه بورقيبة) قصدى الحبيب بورقيبه)
سعادة الرئيس الفقيه الهالك قام الصبح دعك فى عيونه الناعسات فنطت فى ماغه فكرة لطيفة اييه هى بقى :
إن الصوم دة مزعج وبيخلى الناس متشتغلش كويس قووووم اييه
بورقيبه طلع فى خطاب رسمى على الهوا ايها الناس الدين يسر وبناء الامة اهم من الفرائض اذا كانت ستتعارض مع مصلحة الامة ولذلك قررت الغاء صوم رمضان
ينهار اسووود صوم رمضان يتلغى بقرار رئاسى
اه والله العظيم تلاتة حصل
لا واللطيف انه استند إلى ان استشار مفتى الديار التونسية الشيخ العظيم شيخ الاسلام ( محمد عزيز جعيط )
فخرج المفتى الذى لا يخاف إلا الله معلنا ً أيها الناس صوم رمضان فريضة الله ومن تركها فقد باء بالخسران المبين
وانتصر الشيخ رغم اعتقاله ومات بورقيبة ومات الشيخ العظيم
لكن بقيت ذكرى الطاغية الاثيم معروفة
عارفين بقيت ليه معروفة طبعااااا عشان حاجة تقرف

وعلى دربه المجيد سار شيخ الازهر اللى قرر عدم دخول المنقبات الجامعة او المدينة الجامعية ليه يامولانا عشان النقاب يعنى مش حلو وانفلونزا الخنازير وطلع معاه مفتى العار المصرية قصدى الديار المصرية
ينعق بعلو صوته النقاب ليس من الاسلام فى شيء يعنى علماء الامة كلهم كانوا مغفلين يامولانا لما اتكلموا عنه وانا شخصيا والله بقول انه مش فريضة فعلا لكن فى نفس الوقت محدش يقول انه ليس من الاسلام فى شيء

والمنقبات يغوروا فى داهيه بعيد عننا ماله المينى جيب والميكرو جيب خلو العيال تتدلع بقى وتعييش
دة هو الازهر يارجالة
بذمتكم مش حاجة تقرف
..............
لا ولا القذافى فى كتابه (الكتاب الأخضر ) ومعرفش ليه هو اخضر وهيستوى امته
المهم ان سعادة الجهبذ الفذ العبقرى شايف ان حل القضية الفلسطينية يتمثل فى أمرين
أولا القاء قنبلة على القدس
وبلا أقصى بلا وجع دماغ بلا نيلة بقى قرفتونا
مدينة قلق يا أخى والواحد زهق نخلص منها خالص
وثانيا ضم اليهود والفلسطينيين فى دولة واحدة ونسميها إسراطين
شوفته الحكاية سهلة ازاى بس احنا اللى الغباء كل دماغنا
طين على دماغه ودمغ اللى ...... ما علينا
بذمتكم مش حاجة تقرف
وعبد الله صالح رئيس اليمن اللى بيمضغ القات ليل نهار قرر انه يعتكف فى غرفة نومه احجاجاً على إبادة اسرائيل للفسطينيين
اه والله حصل فى غرفة نومه بروح .... ما علينا
دة على اساس انه سنية الشغالة عديمة الحيلة مش انه رئيس دولة تمتلك الجيوش والضغط الدولى
بذمتكم مش حاجة تقرف


....................
اتكلم عن الكويت ولا السعودية ولا الجزائر ولا ايه ولا ايه
واصدقائى بيسألونى ليه كل شوية بتقفل مدونتك بالشهور
مش عارفيين ليه عشان بملك قلم يعنى افضل فاتحها ؟؟ !
ايييه يعنى طظ فى القلم وصاحبه
بيعمل ايه يعنى دع القلم ينبح وقافلة الحكام تسير
بقفلها عشان قرفان وطهقان وحاسس انى هتشل من القرف المقرف اللى يقرف
بذمتكم مش حاجااااااااااااااااجة تقرررررررررررررررف
..........

بقلم القرفان جداااااااااا
__________________________
نورالدين محمود

هناك 51 تعليقًا:

آه وكفى يقول...

ياضنايا يابني دانته محروق
اي والله لأ دانته مفحوم
ومعاك حق
من اللي مش همو المدنيين للتاني اللي هيلغي الصوم للتالت اللي هيرمي قنبله على القدس ,, لأ عبقري القذافي
معمر القذافي .. وهو معمر بدلنا عليه 3 رؤساء وهو معمر
انا امتحان الثانوية روحتو متأخر نص تلت ساعة عشان الريس كان جاي اكتوبر D:

أضحك نياهاهاهاهاهااااااااااااااااااي

نكدت عليا

غير معرف يقول...

السلام عليكم
اولا انا باحترم اسلوبك جدا في الكتابة
مهما كان اختلاف الراي في النهاية هي فلسفة احترام الأخر
انا ضد المحاكم الأسلامية مش لأنها حركة اسلامية اطلاقا لأنها امتداد لطالبان والحركة دي لو انا بمتلك صفحة علي النت كنت نشرت وثيقة عبارة عن مبادئها بعد ما استولت علي كابول
والله يا اخي شيئ مؤسف والأسلام نفسه مش بيأمر بكده
لكن ضد غزو اثيوبي للصومال
للأن مافيش نظرية امن قومي عربي يشوف البد دي (الصومال) علي انها نقطة استراتيجية في منطقة القرن الأفريقي
رغم انها للأسف بلد يعيش في القرون الظلامية في الألفية التالتة من عمر البشرية


تامر

غير معرف يقول...

ومع عباس ابو مازن
عارف ليه
لأن الحركة دي هي اللي قادت النضال الفلسطيني مهما كان الأختلاف حولها
حماس حركة اشتهرت بالجناح العسكري فيها (كتأئب القسام)
علي المستوي السياسي فشلت مهما كانت الأعذار لها
وقعت في مأزق تاريخي وصعب اوي انها تخرج منها
في بعض الأحيان يبقئ فيه ادوار لأطراف هما مش مهيئين لها
وللأسف تاريخها كله يوضع علي المحك
اضافة انها نهاية قوس ايراني يتوغل اوي في الهلال الخصيب وفي شرق الجزيرة


تامر

غير معرف يقول...

كلمة القذافي دي
تعبير واضح جدا عن المشهد السياسي العربي
الغريب انو مش العربي بس العالمي كمان
احسن وصف له
ان الكل الكل في غرفة انعاش
مش عربي بس لأ يورو واسيوي حتي امريكا نفسها
الفرق الوحيد انهم بيعيدوا ترتيب اوراقهم اما احنا فمش عندنا اوراق علشان نرتبها


تامر

غير معرف يقول...

ويا ريت تخلي بالك من التيارات الأسلامية دي تشوف فرصتها في التواجد علي الساحة ونتائج التواجد ايه
طالبان + المحاكم الأسلامية
فكر اليمين المتطرف ( الجهاد )
حماس
الأخوان المسلمين
وفبلهم جبهة الأنقاذ في الجزائر
وتشوف التيارات اللي اصطبعت بعنواين اسلامية
افتكر حتي الأسلام اسأنا له في خضم معترك حياة كنا ابعد ما يكون عنها


تامر

غير معرف يقول...

اقولك حاجة يا نور الدين
اذا حبيت تقرا وتتابع السياسة
اقراها بعقلك واستبعد العواطف منها تماما علشان تقدر تفهمها

افتكر السياسة محكومة بحاجة واحدة فقط
المصالح
مش بالأهات والبكاء والقلوب


تامر

آه وكفى يقول...

ايه ده انا اول تعليييييييييق
هيييييييييييييييه
ومجيش اول تعليق غير في البوست القرفان ده
يالهوي عالحظ!

Appy يقول...

ايه يا نور
انا محضرتش البوست ده بتاع المقرفه اللى قرفتك ولا شوفت مين
بس معلش يا ابنى
انا هسيبنى من كل كلامك ده
ايون هسيبنى منه
بس هقفش زيك فى الموضوع بتاع لما واحه ولا واحد يعمل حاجه يوقولا لنا لا متعملش طيب انا برد بدافع عن حقى برد على الغلط
مش عارفه مبدا الاستسهال ده ليه
ولو سمحت ملكش دعوة بالقذافى انا عندى الكتاب الاخضر على فكره بقاله عشر سنين ومش استوى مش عارفه ليه بجد مش هزار
ههههههههههههههههه

نور الدين يقول...

آه وكفى
..............
اهلا نوره ازيك
والله انا فعلا مخنوق ومحروق ومقهور
ومش عارف لحد امتى هنفضل نهرى فى نفسنا والباشاوات فى طرق الجحيم زى ما همه

نور الدين يقول...

غير معروف
................
اهلا استاذ تامر شرفت بمرورك وآرائك على أى حال
........
شوف ياعزيزى بالنسبة للمحاكم الاسلامية فى الصومال فهى اثبتت بالفعل خيانتها وبررت لحركة الشباب المجاهد الخروج عليها لكن عن كون الصومال بيعيش فى العصور الظلامية فى القرن الالفية الثالثة فدة يا سيدى الكريم مش ذنبه هو ابدا دة نتيجة لمؤامرات اثيوبيا والغرب لأضعافه ومحاولة حبسه فى حلقة مفرغة من الاستعمار والصراع والدليل تدخل امريكا فى الصومال فى نهاية التسعينات وتدخلها تانى بجوار اثيوبيا حاليا
اما عن القول بان حماس هى امتداد لأيران فدى مغالطة كبيرة يروجها ابناء حركة فتح التى تدافع انت عنها الان
لكن سيدى مع اختلافى الجذرى مع حماس لقبولها بالتواصل مع ايران الرافضية لكن هذا لا يعنى انها امتداد شيعى ابدا لكن استغلت ايران ابتعاد العرب عن حماس فارادت ان تظهر فى الصورة وان كان هذا لا يبرر فى رايي الشخصى التقرب من ايران التى اراها شخصيا لا تقل خطورة عن اسرائيل
اما تاريخ فتح النضالى فلا ينكره إلا جاهل او مراوغ لكن انا اتحدث عن فتح اليوم
هل نضال ياسر عرفات يبرر خيانة ابو مازن الذى قتل القضية وكفنها وقدمها هدية لليهود وانت تعلم ولا شك موقفه الاخير .. أترك الاجابة لك .
اما عن نصيحتك بان اقرأ بعقلى فياعزيزى انا رجل لا يتعامل إلا بعقله وقلبى هو آخر شيء فى قائمتى هذا سر اخصك به
وانا انظر للوضع بعقلانية وموضوعية ازعمها اعتماداً على رؤيتى للمنهج الاسلامى
........
اعمق تحياتى شرفنى مرورك وجميل اسلوبك

نور الدين يقول...

نوره
........
اه تخيلى انت اول تعليق ودة ضايقنى بقى شخصيا
اما عن حظك فدة طبيعى منت طول عمرك محظوظة يابنتى

نور الدين يقول...

آبى
...........
اولا عندك تأخير جامد بس انا عامل نفسى مش واخد بالى يعنى وهنعديها
.....
اما عن قولك انك هتسيبك من كل كلامى وبتأكديها بايوون هتسيبك منه فدة تمنه غالى اوى يا افندم وارض المعركة مسيرها تجمعنا
...
بصى ياستى مسألة السلبية فى الرد دى أمر نسبى يعنى مثلا لما حد يدخل يتساخف عليكى فى مدونتك وانا عارف ان دة كتير والاخوة الغتتة بضم الغين قارفينك انت كمان فمن حقك تقررى انك تسبيهم او تولعى فيهم وانا عارف طبعا انك دايما مع الاختيار التانى
لكن اصدقائى الكرام اللى دخلوا يطالبونى بعدم الرد على الخاطئة اللى كتبت الكلام دة كان قصدهم عشان لا اعطيها اكبر من حجمها الذى لا يتجاوز حجم حذائى
وانا وافقتهم واقتنعت بوجهة نظرهم وكتمت فى نفسى واتقهرت وقرفت مع نفسى
...
اما القذافى فربنا يخليهولك ياستى بس ملقتيش حد غير المختل دة تدافعى عنه واتحداكى لو كنتى كملتى كتابه الفذ الكتاب الاخضر اللى لسه مستواش وممكن تحطيه فى ردة وهو يستوى على فكرة
وفى اقرب لقاء تدوينى ابقى هاتيلى الكتاب معاكى عشان نسخته اللى كانت عندى ضاعت
......
اعمق تحياتى

غير معرف يقول...

معلش هاعمل اضافة علي موضوع ايران
اذا سمحت
انا مش مقتنع اوي بالتنظير اللي يتكلم عن صراع السنة والشيعة
ايران دولة عمري ماشفتها الا انها في صميم الا وعي السياسي لها ان جاز التعبير الا فارسية
مازال موضوع ان اخر سقوط للأمبراطورية دي كان علي ايد المسلمين
مازالت تطمع في الخليج العربي كبحيرة فارسية
وعلي اي حال فلها فعلا تواجد كثيف في جنوب العراق والكويت والبحرين تقريبا محافظة ايرانية وفي شرق الممكلة
هنا خطورتها مهما كان لهجة الخطاب السياسي الأيراني كأسلامي شيعي
تتبع الحركة الذاتية للدولة دي جغرافيا من اول الفتح الأسلامي
وركز اوي علي العصر العباسي الأول والتاني
وراجع سيرة ابو مسلم الخرساني


تامر

غير معرف يقول...

الغريب جدا ان ايران عملت مفارقة تاريخية
اسرائيل اللي كانت مخلب قط للغرب في المنطقة لتأمين البترول وراس حربة وشرطي
اسرائيل اللي كل اللهجة الشعبية مازالت علي الحاجز النفسي اللي فشل السادات في كسره بمعاهدة السلام واتحول لمجرد اصطلاح سلام بارد
اسرائيل من وجهة نظري علي المستوي الرسمي العربي بقت هي شرطي كمان ومخلب قط بس المرة دي مش للغرب للعرب نفسهم
ضد ايران
خصوصا بعد سقوط صدام كحائط صد والأعلانات المتتالية عن النسحاب الأمريكي
منطقة الفراغ اللي بقت هاجس الحكومات العربية لأن مافيش حد مهيأ لشغلها الا ايران
من وجهة نظري برده ان الهرولة لأسرائيل والكلام الكتير عن التطبيع وغض الطرف عن مشاهد حتي انسانية في الأراضي المحتلة لأنها بقت مطلوبة للدفاع وطبعا مش من غير تسويات
علشان يتم احتواء اكسس
ايران _ سوريا _ حزب الله

ممكن تكون مجرد وجهة نظر وخلفية صور انا بشوفها

ومش اعرف هل منطق التبرير فيها مقبول ولا لأ



شكرا علي سعة الصدر


تامر

غير معرف يقول...

اختم لك برأي متطرف اوي لي
انا اتمني ان تحصل حرب بين اسرائيل وايران
لأنها هستنزف الأتنين
بس بشرطين
الأول ان مافيش حد منهم يخرج منها امبراطورية
الغرب في الحرب العالمية التانية انتظر صراع بين هتلر وستالين لأجهاد الأتنين
لكن الشيوعية خرجت منها بفضل ستالين امبراطورية وهي اللي قامت فعلا بسحق المانيا النازية ودخول برلين قبل الحلفاء اللي متقدمين من الغرب والجنوب
والشرط التاني
ان يبفئ فيه دولة متحفزة للنتايج
ههههه وتعمل ضربة قاضية
بما ان الشرطين مش هيتتحققوا
لأن ايران فعلا هتبقئ امبراطورية خصوصا مع الحالة اللي وصلها جيش الدفاع الأسرائيلي بعد الهزيمة في الجنوب اللبناني واللي لسه مستمرة

اعتبرها مجرد شطحة سياسية


تامر

نور الدين يقول...

تامر
............
شوف ياعزيزى
رأيك يتفق تماما مع رايي فانا كما قلت فى ردى السابق ان ايران اخطر على الاسلام من اسرائيل وانا لا اراها مجرد فرقة شيعية بل هى مشروع فارسى صفوى يطمع فى سحق العرب والسنة خاصة
واما حرب بينها وبني اسرائيل فمستحيييييل
ياصديقى اقرا عن العلاقات القائمة بين النظام الايرانى واسرائيل هل تعلم ان المانيا امسكت شحنة سلاح موجهه من اسرائيل لايران وهل نسيت فضيحة ووتر جيت حيث قدمت امريكااااا اللى هى المفروض عدوة ايران شحنة صواريخ لايران
هناك زواج عرفى بين النظام المولالى والحاخامات اليهود
...
وكان الله لنا
اعمق تحياتى

ابو على يقول...

قرف على قرف شوفت فريق الشباب:d

طيب شوفت حادثه بولاق الى فيه واحد قتل ابوه وامه واخواته البنات التلاته

طيب شوفت حوادث الدائرى اللى كل يوم بيموت فيها عوشرميت حيوان ع الاسفلت

طيب شوفت الواد ابو جيل ف شعره اللى مبلوط ف الديسكو هههههههههه

كفايا قرف كده انت فيك اللى مكفيك يا ددع

كان معاك اخوك ف القرفان ابو على جفنه لا ينام

مصطفى ريان يقول...

بصراحه يا نور يا اخويا وانا بقرأ ما قدرتش امسك نفسي من الضحك اهو ده بقى اللي يطلق عليه شر البليه مايضحك .. البلاك كوميدي بطرسيقه كتاب الدراما لكن مهما مؤلف اتخيل مش هيقدر يتصور ده .. على رأي دريد لحام
ان مؤلفين الدرما بقوا يواجهو خطر عظيم لأن الحكام العرب صارو اكثر كوميديه من شطحات خيال اعظم مؤلف
لكن خلينى اقولك بالنسبه للبنت اياها اللي غلطت فى الشيخ ابواسحاق انت لماغلطش لما مسحت الارض بيها ده شيخنا
العالم الجليل احد اعظم علماء الحديث فى عصره ويكفى انه التلميذ النجيب للامام الجليل الالبانى .. ممكن تقول انا مش موافقه على بعض كلامه وتبحث فى الدليل على رأيها لكن تقول الجاهل ابن الجاهله دي قله ادب وحقاره وحد لازم ياخد فوق دماغه على الاقل لو ماحترمتيش الشيخ لعلمه وهو شلال علم جار ..احترميه لسنه واكيد هو من سن والدك
انت ماغلطش يا نور بالعكسي عملت الصح
ربنا يوفقك يا صاحبى وعذرا لوكنت كل ما اجي هنا بطول فى الرد لكن مواضيعك تستحق
تحساتى لك يا اخى

ياسمين يقول...

والله يا أستاذ نور الدين عندك حق فى كم القرف اللى انت فيه ده
والشعب كله حالته بقت تصعب ع الكافر


اول زبارة تقبل وجودى
ياسمين

ReEm يقول...

هههههه انا بصراحة اول مرة اشوف حضرتك كدة معلش يعني اني بضحك و انت قرفان يعني اعذرني

بس بجد طريقة لذيذة خففت حدة احساس القرف اللي حبيت توصلها

بالنسبة للي بالي بالك طنش يا استاذ نور الكلاب لما تهوهو سيبها مسيرها هتخرس في الاخر اصلك لو فضلت تزعقلها مش هتفهم اصلها مش عاقلة يعني و هتلاقيك في الاخر ضيعت وقتك على الفاضي و انتي بتزعق لبهايم

انا بقى اكتر نقطتين بجد عجبوني رغم مصيبته موتوني ضحك

حتة اللي عايز يلغي الصوم ياسلام يلا يارعاياي الصوم بيتعبكو انطلقو فقد اسقطته عنكم الحمدلله على العقل

اما بقى اسراطين دي حكاية تانية والله الراجل كتر خيره اهو حلها

يلا الواحد ما يكترش افض اصله يعني اللي بيته من زجاج قوم ايه لا يعايرني ولا اعايره

حنان الشافعي يقول...

ايه كمية القرف دي كلها
عموما عندك حق تتقرف ولكن عتاب صغير
من وهبه الله قلم مثل قلمك أني له ألا يستغله حق هبة الله له ويصنع له درب آخره هدف
ده مش صعب أبدا علي فكره واليأس والقرف مش هيجيبولنا حاجه في الاخر
مجرد تنفيس وخلاص
استنزاف لطاقه كانت ممكن تتوظف بطريقة أقوي
وفي الاخر مقال جيد مع كمية القرف اللي ملياه :)


تحياتي

اسكندرانية يقول...

عندك حق فعلا انها حاجة تقرف

بس كل واحد حيقعد يتكلم ويتكلم من غير فعل لية بقا عشان استوطن الخوف فينا وتمكن مننا الجوع

كام واحد يقدر يمشي في مظاهرة من غير خوف مع ان مظاهرة دية اضعف الايمان لتغير

كام واحد مش بينهي عن المنكر وبيقول خليني في حالي

احنا من تركنا الذئاب تتراقص علي اجسادنا

واصبح الكل يهرب
ونقول حرية
احنا مبنعرفش الحرية غير لما نشتم ونقول دية حرية

لماذا تم رفض وتحجيم المظاهرة التي كانت ستقام من الازهر لمؤازرة الشعب الفلسطيني في احداث القدس وهو مهدد بالانهيار بسبب افعال الجمعات الصهيونية المتطرفة

لماذا يقال ان لو شيخ الازهر دخل مدرسة ولقي بنت لابسة لبس فاضح او مش ولابد حينصحها بانها تحتشم يبقا اية الاختلاف بانه يهين طالبة ويخليها تقلع النقاب

وان يقال ان البلاد الاوربية تتريق علي المنقبات وبيقولوا عليهم جوست وان احنا معطلين نفسنا باننا بنتكلم هل النقاب فرض ام سنة
والسواك واجب ولالا

وان عالمة اسرائيلية اخذت جايزة نوبل


ماهو لو في حد بيفهم حيعرف لما نبدأ بنفسنا ونغيرها حنتقدم منتكلمش عن اي دولة ليها مواصفتنا ومتشابه لينا وتقدمت هما بداو بنفسهم وقفلوا علي نفسهم وبعدين تقدموا

بجد بجد عندك حق اخي العزيز بانها حاجة تقرف

اسفه لو الكلام فيه غيظ بس للاسف لان الوضع الراهن بقا يقرف

نور الدين يقول...

ابو على
..............
ازيك ياصديقى
دة انت طلعت قرفان اهو انت كمان
انا فعلا شوفت الواد ابو جيل فى شعرو بس مشوفتوش فى الديسكو فى الحقيقة كان فى مترو شبرا
نورت ياقمر

نور الدين يقول...

مصطفى ريان
..................
اهلا بصديقى العزيز
والله يا اخى ات كلامك ريح قلبى ربنا ينتقم لعباده
بجد يادرش انا بشكرك على الجرعة الجامدة دى
....
وعلى فكرة موضوع اللقاء بيتم ترتيبه متقلقش ومش ناسى وان شاء الله فى غضون اسبوعين بالكتير ياديقى هيجمعنا لقاء ان شاء الله
دمت بكل الخير اخى الكريم

نور الدين يقول...

ياسمين
...........
يعنى اول زيارة وقرفناكى فيها كدة بجد بعتذر كنت احب تزورينا فى حاجة افضل
لكن على اى وضع فقطعا مرورك شرفنى
شكرا لك ايتها الكريمة

نور الدين يقول...

ريم
...........
ازيك يا استاذة ريم
اولا انا زعلان من حضرتك وانت عارفة طبعا لييييه
...
ثانيا تصدقى بالله انا افتكرتك وانا بكتب البوست دة وقلت اكيد ريم اول حد هيستغرب الاسلوب
اصل يا ياريم يا اختى العزيزة الوضع بقى فعلا مقرف على كل الاصعدة فقلت بقى اتكلم على سجيتى وادى اجازة للغة الفصحى
.....
اما عن اللى بالى بالك فوالله انت قلتى اجمل تعليق فعلاااااااا خلى الكلاب تهوهو لأنها عمرها ما هتفهم ان صوتها اسوأ الاصوات
.....
اما عن اللى عجبوكى سواء فى تونس او ليبيا فالحمد لله حكامنا دايما عندهم كل ظريف وطريف
وفعلااا كلنا بيتنا من زجاج ليس هناك دولة واحدة لا تعانى من القهر والاستذلال
وشرفتينى جدا ياريم

نور الدين يقول...

حنان الشافعى
..................
اهلا بقلمك النبيل ومرورك المميز
لكن فى الحقيقة لا ادرى هل كلماتك تحمل المدح أم القدح
لأن قلمى هوقلم ذو هدف فعلا والدليل ما اكتبه من سلاسل فى مجالات يغفل عنها الكثيرون
ثم انا لم ايأس ولم انطق بكلمة ياس انما تحدثت ع شعور مقزز بالواقع الذى نحياه
وليس الامر تنفيسا كما تقولين انما هو لفت للأنظار باسلوب ساخر لامور لا يعلمها الكثيرين ولذلك عمدت الى بساطة الاسلوب وعنفوانه حتى اعطى الطاقة للقاريء على مواصلة المقال لنهايته
وقطعا ايا كان رأيك فهو يشرفنى ويسعدنى فلقلمك مكان دوما هاهنا
اعمق تحياتى

نور الدين يقول...

اسكندرانية
..................
فى الحقيقة وقفت قدام ردك لما يحوى من فهم عميق للواقع
صدقتِ ايتها الكريمة فعلا احنا محتاين نراجع نفسنا ونبدأ بيها وتلص من خوفنا ونفهم روح الاسلام

وساعتها فعلا سيتغير كل شيء ويمكن وقتها نكتب مقال بعنوان متلف يعنى مثلا ( حاجة تفرح )
بس نتغير بس يارب
وطبعا دة مش هيتم غير لما نغير نفسنا الاول
اعمق تحياتى لمرورك وحسن فهمك

مصطفى ريان يقول...

باشا
تعليق على التعليق ( مدونه اخويا بقى وبراحتى ..ايه حد معترض ولا ايه ؟ بحسب ) لا يا صاحبى المفروض ما نسكتش على الغلط خاصه ان معظم اللي بيتكلملو دول بيتكلمو غلط ومن غير اي دليل ومش بس كده لاء بيغلطو ويبجحو فى واحد قرأ بعدد شعر رأسهم كتب فلا عملو حساب لسنه ولا علمه ولا اي شئ ولا حتى اتكلمو بأدب طب دول يتسكت عليهم ازاي .. متهيألى فى الحاله دي السكوت غلط اي نعم هما مايستحقوش التعب ولا الوقت اللي هتقضيه فى الرد بس لازم تتكلم ونرد .. وربنا يهدينا ويهديهم ويعافينا من اللي بلاهم بيه
_______

انا يا صاحبى اللي عايز اشوفك واتونس بيك انت وكل اصحابنا زي اليوم بتاع النيل عارف فى الجلسه دي فى جمله رنت فى دماغى وانا قاعد معاكو ( المرء قليل بنفسه كثير بأخوانه ) ماتتقدرش تتصور قد ايه كنت مبسوط وقدايه ضحكت من قلبى وانا بتكلم معاك وبضحك مع صفاء وبعاكس ميرا ومنصت لاستاذ شريف ومتونس بفاطيما وبكل اخوانا اللي كانو هناك
وزي ماقلتلك ياريت بجد ننظمها وتبقى بشكل دورى
محبتى ليك وتحياتى يا اخي

حنان الشافعي يقول...

نور الدين

يظهر انهارده يوم الفهم الخاطئ
او بمعني اصح ظالمني ظالمني يعني
مش قصدي خالص اي قدح والا مكنتش قلت الجمله دي وفي الاخر مقال جيد
مخبيش عليك اي استغربت اسلوبك لكن في الاخر قلتلك انه مقال جيد وفيه متابعه واقعيه جدا لواقع الحال
ومره تانيه اتفهمت غلط انا مبقولش ان كلامك فيه ياس وتنفيس
لكن انت تناولت الموضوع بطريقة الغاضب اللي بينفس عن غضبه
ودي انا استحاله اكون غلطانه فيها ولا كمية الحاجات اللي تقرف اللي ماليه البوست
يعني اقصد برده بعد كل جمله تقول بذمتكم مش حاجه تقرف
وفي الاخر برده ولا كان التعليق الاول ده كان
المقال رائع وانت عارف رايي في كتابتك كويس
ملحوظه
:::::
جميله المزيكا اللي انت حاططها
اول مره اسمعها بقي
يارب تكون فهمتني
ولك جل احترامي

صفــــــاء يقول...

فتح الله عليك
قلبتها قرف ونسيت الصورة الورديه الجميله
بتحاول تشويه زعماء الحضارة العربيه وحكامها وخلاصه الجهابذة اللى فيها

وأعتقد أنك تقصد صفقه أيران كونترا
وليست فضيحه ووتر جيت

نهر الحب يقول...

لو القرف هيخليك تكتب
يبقى خليك قرفان بس اقولك الاحوال كلها حولينا تقرف جدا والله
كل حاجة سبحان الله
تطاول على الدين وعلمائة
سرقة ونهب
اعتقال الشرفاء
وما خفى كان اعظم

عودا حميدا نور
نورت التدوين من جديد

حنــــان يقول...

نور الدين
يسعد صباحك

ايوا يا سيدي ليك حق تقرف،

انا زادا قرفانة،
قرفانه موش فقط منهم، كل اللي ذكرتهم،

انا قرفانة منهم، و قرفانة اكثر مننا..
قرفانة و فادة و متيقرة

الا ما فيش اقراص و لا حاجة الواحد ياخذها للقرف، و يبقى الواحد ياخذ حبة يوميا اول ما يقوم من النوم، و حبة مع كل حاجة تقرف تحصل.

اعتقد الاخت اسكندرانية حطت تعليق شافي و وافي،
و جزء كبير منه يعبر عن رايي،
فما فيش داعي نقرفك اكثر و نعيد نفس الكلام..

بالنسبة لاستفساري عن طارق رمضان،
كل النقط اللي ذكرتها في اجابتك ، كلها تطرق هو ليها، و ابررها..
ان شاء الله انا نحاول نلقى فيديو اللقاء، اذا لقيته توا نحطه في شكل تدوينة..

و شكرا ليك فعلا يا نور..

حنــــان يقول...

سوري ،
نسيت نقول حاجة فيما يخص الشخصة اللي نرفزتك

انا فعلا ما قريتش التدوينة، انما
هاذا يا سيدي، ليا اصحاب عرفتهم على بعض المدونات المصرية، و من ضمنهم مدونتك،

واحدة منهم قرت التدوينة "حسبنا الله"،
و طبعا راحت لعندها تشوف الموضوع،
خرجت البنت يا عيني مبهورة باللي مكتوب، و بعد ما خرجت من عندها راحت لباقي رفاق هذه الشحصة اللي يوافقونها الكفر، قصدي الفكر، معلش،

تعرف فعلا مشكلة، لو الواحد كتب عنهم، اداهم اكبر من حجمهم، و ناس كثيرة باش تدخل عندهم و تتسمم بافكارهم، موش كل الناس ايمانها قوي و تعرف تفكر و تحلل و تناقش..

لكن زادا موش معقول، نسيبهم يفترو على الله و على خلق الله و احنا ساكتين، حنقابل وجه ربنا الكريم ازاي؟؟؟
هاه قلي، و احنا لا دافعنا لا على رسوله الكريم و لا على الاسلام، و لا حتى على ربنا جل جلاله؟؟
تفتكر لو سكتنا و سبناهم هما حيسكتوا؟؟؟
ما هو اتباعهم و مقلديهم و المتاثرين بيهم كل مالهم عمالين يزيدو؟؟

اشمعنى احنا اللي مؤمنين فعلا بما نقول نسكت و نطنش املا انهم ينخرسو و يسكتوا؟ على اساس هما عندهم دم عشان يحسوا و ينقرفوا و يسكتوا..

انا انرفت بزياااااادة، مع الكلمتين اللي كتبتهم، حتى من كثر القرف طلع الكلام بالمصري..
يلاّ معلش بقى اعذروني، في الاخر كلنا اخوة و كلنا في الهواء سوا
و كلنا حنرقص يوم القيامة..

خليني نمشي نعمل قهوة لعل و عسى..
----------
يا الله ...
----------

نور الدين يقول...

مصطفى ريان
................
تعرف يادرش فى ناس مجرد ما تشوف اسمها تشعر براحة وصفاء والله انت بقيت بالنسبالى من الناس دى فعلا
بجد يامصطفى انا بحبك
بس اوعى تفهمنى غلط بس ...هههههه
طبعا انا متفق معاك تماما ان الناس دى ميتسكتش عليها وانا كدة بقى شكلى هضطر انشر البوست بتاع (حسبنا الله ونعم الوكيل ) مرة تانية
...
والله يادرش انا اللى اتشرفت باللقاء اللى جمعنا
فعلا انت حد جميل وطيب وكلك مزايا
ربنا يجمعنا على الخير دايما يا صديقى

نور الدين يقول...

حنان الشافعى
....................
اهلا بمرورك ويسعدنى سماع رأيك دائما ايتها الكريمة الفاضلة
...
شوفى يا استاذة حنان انا مبيزعجنيش النقد مطلقا وشوفى تعليقات الاخ تامر رغم انه بينقد رايي إلا انى رحبت به غاية الترحيب وهو اهل لهذا بحق وليس كرما منى
وقطعا لك ترحيب مثله ولا يقل
لكن نقدك كان لأسلوب كتابتى ونهجى وليس مقالى
فانت قلتى نصا ً(اليأس والقرف مش هيجيبولنا حاجه في الاخر
مجرد تنفيس وخلاص
استنزاف لطاقه كانت ممكن تتوظف بطريقة أقوي)
وانا لست بيائس ولا انفس كما انى لااستنزف طاقتى فى غير موضعها
اما قولك انه ( فى النهاية هو مقال جيد رغم كمية القرف اللى فيه )
مجرد وصف مقالى بانه فى النهاية جيد هذا فى حد ذاته توبيخ لقلمى وليس غرورا والله لكن ليس ما اكتب يُوصف بالجيد فانا اعرف لقلمى قدره وما قولى الا كقول يوسف عليه السلام ( إنى حفيظ عليم)
وتغيير اسلوبى هو تميز وليس عيبا فانا اكتب بالفصحى كما اكتب بالعامية اتحدث فى الشعر كما اتكلم فى النثر اكتب الفلسفة والمقال الاجتماعى والخاطرة
...
اذاً انا لم افهم خطأ بل أنت من وقع فيه ياعزيزتى
...
اعمق تحياتى وتقديرى

نور الدين يقول...

صفاء
...........
اهلا بقلمك ومرحبا بك
...........................
حلوة فتح الله عليك دى يا أخت صفاء
هههههههه
طبعا لا ننسى اياديهم العظيمة وكرمهم الباذخ على الشعوب فلولاهم ما كنا نحن
جزى الله حكامنا خيرا فقد كفوا شعبنا بلوى اعادينا
كما يقول شاعر المفضل احمد مطر
وطبعا كفونا الاعادى عشان همه اللى قاموا بالمهمة كاملة
....
فعلا هى ايران كونترا مش ووتر جيت بس ياستى اهى كلها فضائح
وربنا يسترنا
تحياتى

نور الدين يقول...

حنان
............
اهلا بك بصاحبة القلم والقهوة
طبعا حنان انا كلامى عن طارق رمضان لم يكن سوي رؤية شخصية تحتمل الصواب والخطأ
وانا كما قلت عندك ان الرجل له وعليه
وسيكون لى مقالا كاملا فى الامر احسبه سيكون المقال القادم ان شاء الله
....
اما عن القرف الواقعى فالحق اقول لك كنتُ أخشى أن تهب رياح قوميتك التونسية على زهرة الحقيقة التى قلتها عن بورقيبه فتنزعين الزهرة وتغضبين لتونس لكن ثبت لى حسن فهمك وجميل قولك وكنتى حيث أظن بك من الرجاحة والعقل
....
اما الموضوع السابق وراى صديقتك فقد صدقت فهذه المهرطقة لا تكتب إلا كل ما يحادد الله ورسوله عليها من الله ما تستحقه
وبعد قولك وقول اخى العزيز مصطفى ريان قررت اعادة نشر المقالين اللذان تناولتها فيهما ليبصر كل ذو بصيرة وارجو الا يكون قرارى خاطئا
...
اما تكلمك بالمصرية فانت فقط لا تمتلكين اللسان المصرى بل والروح المصرية هذا بكل صدق
اععمق تحياتى أيتها الكريمة النبيلة

حنــــان يقول...

نور

نور يا اخي
نور يا صديقي

هو الواحد موش تهب عليه ريح قوميته لانها اساسا موجودة فيه
ايه انا تونسية و نعتز بهاذا و ما نبدلهاش باي جنسية في الدنيا..

عارف عجبنا ولا ما عجبناش الوضع اللي فيه بلداننا فاحنا ننتمي ليها، احنا جزء منها، تراب وطننا يبقى غالي حتى و لو جار عليه الزمن

لكن بالنسبة لبورقيبة، و في هاذا الموضوع بالذات، لما افتى لشعب كامل انه يفطر، مهما كانت الاسباب و التبريرات اللي يقدمها البعض لانه هاذا التبرير ما يهمنيش،
انا نقلك :
الحلال بيّن و الحرام بيّن،
الصح صح و الغلط غلط،
و فتوى بورقيبة باحلال الافطار، ابدا ليست من الصح في شيء،
و غلط واضح و جلي و حرام بيّن،

دا حتي يبقى جاتنا القرف فعلا لو هوما عملو هكّا و نجي احنا، و نقوم ندافع عنهم
----------

اوكي يا سيدي مستنية التدوينة بخصوص طارق رمضان، و من جهتي ما زلت اواصل البحث على الفيديو متاع المناظرة،
يا اخي لو تشوفه، بغض النظر عن اي شيء اخر، حاجة ترفع الراس..
افحمهم افحمهم لدرجة اتحرقوا قدامه و بقوا غبااااااار
-----------


"اما تكلمك بالمصرية فانت فقط لا تمتلكين اللسان المصرى بل والروح المصرية هذا بكل صدق "

شكرا ليك يا نور على كلامك الجميل

تحياتي لك

نور الدين يقول...

حنان
.............
طبعا انا لا اقصد مطلقا أن أنفى عنك الانتماء لتونس فهذا فخر لك بل ولنا جميعا
وانا شخصيا أجد حنينا لأرضها لأنها وكما نوهت دائما ارض القيروان العظيم ومعبر الاسلام إلى افريقيا ولها يرجع الفضل فى نشر دين الله ولله الفضل أولا وآخرا
....
اما عن بورقيبة فقد قلتى ما لامجال للحديث بعده فلله درك
...
اما عن وصفى لك بالروح المصرية فقطعا لأن أعنى مصر خير من تونس ولا العكس قطعا
انما هذا حق واضح فانا دخلت مدونات تونسية عديدة وهذة ميزة لك وحدك
كل تحية وتقدير

الراقـــص مع الذئـــــاب يقول...

السلام عليكم

يخرب عقلك (دعابة)

اوعي يكون قصدك علي كلبة الصحراء....انت وقعت معاها انت كمان
ههههههههههههه

تصدق طلعت هي فعلاً ....انا كتبت نص التعليق ورحت اشوف مدونتها لقيتها هي فعلاً

دي بقي يا نور حاجة كدا تلبسها في رجليك وانت داخل اي حمام عمومي

اولاً القذرة ديه عندها عقد نفسية كتيرة جداً ومريضة نفسياً ودا كلام ناس قريبة اوي منها والناس قالت اسباب العقد ديه وخلينا منقولش العقد ديه ايه

بس سيبك منها ومن اللي بتكتوا لأن اي حد بيقرب منها او يناقشها بترمي بلاها عليه وانا كنت احد ضحايها في عالم التدوين...قالت اني شتمتها بألفاظ خادشة للحياء في ردي علي موضوع ليها

وسمعت قبل كدا انها اتهمت اخ ملتحي بأنه تحرش بيها....وقدمت عنه بلاغ في القسم
وتقريباً ضباط القسم لما شافوا شكلها اعتبروه محضر كاذب

لأنها دميمة جداً ودا سبب عقدها النفسية


لما بقي بخصوص
وزير العدل وأم مازن والوزير طويل التيلة والراجل الكبير وبو رقيبه (دا نوع جزم دا يا باشا والا ايه)
وشيخ المنصر طنطاوي و...........و........

حرام عليك...احنا بنحتفل بنصر اكتوبر مش بيوم كيبور

مش وقته خالص تحط الناس ديه اليوم دا

كل واحد منهم مادة تدوينية دسمة يا نور....
انت كدا ظلمتهم....خلي لكل واحد موضوع لوحده ومزمز فيه براحتك



تحياتي لك ولموضوعك الدسم....

وابقي بص علي الموضوع دا
http://rigidwolf.blogspot.com/2008/05/blog-post_29.html

مصطفى ريان يقول...

اخي العزيز نور
بص بقى يا صاحبى انا تعليق حنان يمكن هي منطقها صح بعض الشئ ان كده بنعمل للاوغاد دول دعايه مجانيه لما حب الفضول هيدفع الاخرين للذهاب عندهم
اري ان الرد واجب خاصه انهم حتما سيعلمون اننا نتكلم عنهم وسياتو ولو بحب الفضول لمعرفه الرد وسيتحقق الهدف من ردنا عليهم بان نعرفهم اخطائهم
ولكن يااخي اري اننا يجب ان ننوه على اخواننا الكرام بعدم الدخول عند مثل هؤلاء حتى لايلبس الشيطان عليهم
اخي هذا رايي يمكنك ان تفكر فيه
وبالطبع يااخى فالأختيار الاخير لك
تحياتى لك ودمت بكل الخير

حنان الشافعي يقول...

نور الدين


كده فهمتني صح جدا
انا كلامي كان علي الاسلوب فعلا ومش انه بالعاميه فادباء كثيرون يكتبون بها وهم بالقصحي اقوي واغني وبالعاميه في منتهي القوه انما قصدي كان علي بعض التعبيرات زي ابو وام واتنفخ وما شابه وحاولت اوصل ده بطريقه لطيفه مش اكتر
وللمره التانيه قلب المقال رائع كمان مش جيد بس ولااقصد مطلقا القليل من شأنه
وبالنسبه لجملتك
اذاً انا لم افهم خطأ بل أنت من وقع فيه ياعزيزتى
علي قد ما فهمتها بقي واعذرني ان كان فهمي علي قدي
انا لم اخطء فيك في ولا سطر واحد ورأيي في المقال اخيرا واخرا ملك لي وحدي وانت حر تقول علي مقالك زي ما تحب لكن رايي يرجعلي ولك ان تقبله او ترفضه
وليس غرورا حقا انماانا لا أخطئ أبدا في أي شخص (علي الاقل ليس عن عمد ) ولا اقلل من احد وقراءاتي وارائي كلها نابعه من ذاتي اللي انا متاكده ان ليا مطلق الحريه فيها
اخرا عشن مطولش عليك
رايي في كتاباتك انت عارفه كويس
وعمري ما بجامل في ارائي في اي مكان له علاقه بالادب

لك جل الاحترام
ونهاية اي اختلاف لا يفسد ود
ولكل رايه

نور الدين يقول...

الراقص مع الذئاب
.....................
اهلا اخى الحبيب ورفيق الميدان
شوف ياعزيزى
طبعا هى فعلا هى آتان الصحراء اللى اقصدها واللى حرقة دمى الله يحرقها
..
وطبعا انت قلت الخلاصة هولاء فعلا اللى ذكرتهم فى التدوينة لا يعلو قدرهم عن النعال
..
وبالنسبة للموضوع اللى أشرت إليه هروح اشوفه حالاااااا
اعمق تحياتى اخى الحبيب وصديقى النبيل

نور الدين يقول...

مصطفى ريان
...............
اهلا اخى الحبيب وصديقى العزيز
والله يادرش اللى انت قلته هو افضل شيء فى الامر يجب مقاطعة هذه المراحيض الفكرية وان كان حد لازم يدخلها ففقط ليبصق ويخرج
وبجد انا متفق معاك وكلامك هو رأيي وطبعا انت تقول اللى انت عايزه ياقمر
ربنا يديم المحبة اخى الكريم وصديقى العزيز

نور الدين يقول...

حنان الشافعى
...............
طبعا رأيك ملك لك ولا شك
ولى ايضا ان اراه وفقا لفهمى واظن هذا ايضا حقى ولا شك
وعلى اى حال حصل خير ياحنان
وقد شرفنى مرورك قطعا
اعمق تحياتى

Appy يقول...

نور الدين

انت فاكرينى اصلا فهمت الكتاب ده بيقول ايه من اول صفحه انت بتهزر ولا ايه ليه دا انا بفك الخط بمفك سبعتاشر هفهم القذافى
اخويا ان شاء الله هيتجوز ومسافر ليبيا هخليه يبعته لك اخضر سخن لسه لا تكلك
ومعلش على التاخير يا نور بجد ساعات الشغل بيخلينى مش عارفه اتابع حاجه

نور الدين يقول...

آبى
.........
اولا ولا يهمك يا استاذة آبى انا عارف مشاغلك طبعا
بالنسبة بقى لحكاية القذ1افى فدة طبيعى انك متفهميش هو بيقول ايه ودة طبعا مش عيب منك حاشا لله فانا اثق بذكائك الحاد
لكن لأنه اصلا اشبه بكائن مريخى له لغته الخاصة ومفاهيمه التى لا يفك طلاسمها إلا اغبياء عالم الجان
وبعدين اخوكى هيقضى الهانى مون هناك ولا اييه مالها جزر المالديف بس
نورتى يا آبى

غير معرف يقول...

شريعة ايه بس يابنى اللى انت متشعلق فى خيوطها الدايبه...مش الشريعه دى هى اللى تبيح سبى النسوان فى الغزوات المباركه وتوزيعها على المحاربين ليتمتعوابهم جنسيا بعد ان قتلوا ازواجهم وأبائهم؟ملك يمبن طبعا والآيه لم تنسخ ...وانما تقدم الأنسان جعلها من مخلفات المتاحف الأثريه
ومش الشريعه دى هى التى اباحت معاشرة جاريه هديه دون تبادل كلمه معها لأختلاف لغتها؟تصور اختك او امك فى وضع امراه من السبايا
ثم ما هذه اللغه الدمويه الوحشيه فى كتاباتك ...التى تذكر بذبح الزرقاوى لضحاياه بالسكين امام الكاميرات فى تلذذ مرضى وحشى افكرك
نصرانيه قذره
واقام من الجماجم هرما صعد عليه المؤذن
هل اةجد وحشيه وهمجيه اكثر من ذلك ؟لو حدث اقل من ذلك بكثير لأعتبرت جرائم حرب
وتفخر ان الخليفه ضرب الرسول بدوايه فى راسه فهشمها ...وتفرح اوى انه كان يهودى ...ولا تتذكر انه قبل ذلك انسان لا ذنب له ...مجرد رسول
فى اى كهف من العصر الحجرى تعيش ....اذا ظلت معك هذه الحاله الدمويه يجب ان ترى طبيبا نفسيا
وتتحدث عن كيف ذبحت مدونه بالسكين مثل الشاه ورجمتها مثل الكلب
انت مريض ومرضك سيتحول مع الأيام الى كارثه اذا لم تعالج نفسك

نور الدين يقول...

غير معروف
..............
الرد ما ترى وليس ما تسمع .
فانتظر إن موعدك الصبح أليس الصبح بقريب ؟؟؟؟؟

مصطفى ريان يقول...

بعد اذن اخي نور
إلى غير معرف
لولا ان صاحب المدونه اجل الرد عليك لقلت لك ما يناسبك انت لست فقط جاهل والجهل يطفح بين سطورك .. انت فى قلبك مرض .. مرض يكاد ان يقتلك .. فالحمد لله الذي عافانا مما ابتلاك به وفضلنا على كثير ممن خلق تفضيلا