الاثنين، 18 يناير، 2010

ماذا أفعل ... ؟؟؟!!




فى الحقيقة مش عارف ابتدى منين
دة مش قطع لسلسلة مقالاتى لكن على اساس المقال دة هحدد إذا كنت هكمل ولا لأ إن شاء الله
الأخت الكريمة شمس وهى من أكتر الناس اللى انا بقدرهم وبثق بحسن رأيهم وحسن نيتهم وبعض الرفاق الكرام قالو نفس الكلام
اللى هو :
إن السلسلة اللى بكتبها دلوقتى مش وقتها نظراً لإحتقان الجو بالاساس بين المسلمين والأقباط
أو بمعنى ادق بين المسلمين والمسيحين لأن كلنا اقباط نظراً لأن كلمة قبط تعنى الأرض السوداء يعنى وصف لمصر مش لدين معين ولا ملة محددة

أنا بدأت سلسلتى دى بمقال (ازمة التفكير) ووضحت منهجى بكل جلاء لكن واضح إنى عجزت إنى اوصل فكرتى ودى اكيد مشكلتى انا مش مشكلة القراء الكرام
عشان كدة هحاول اوضح بشكل اكبر مش هقول طبعا ابسط لأنى عارف كويس ان الجميع افضل فهما منى وإن القضية ترجع لعجزى عن إيصال الفكرة زى ما قلت

اولاً لازم ناخد بالنا من شيء مهم جدا ً وهو إنى بدأت كتابة السلسلة دى قبل احداث نجع حمادى واكيد لم اكن اعرف ما فى جعبة الغيب

طيب ليه كملتها رغم إحتقان الأجواء ؟؟!!
لأن انا شايف إن كلامى لا يزيد الاحتقان فى شيء بل بالعكس يخففه !!
إزاى وانا محور كلامى إن المسيحية دين غير صحيح ؟
لأن انا لما اقول كدة فدة مش رأيي دة رأى الدين الإسلامى فى كل الأديان بلا استثناء
والقاعدة واضحة جدا (إن الدين عند الله الإسلام) ( ومن يبتغى غير الإسلام ديناً فلن يقبل منه )
مش دى آيات القرءآن ياجماعة ولا أنا بألف ؟؟!!!!
طيب ماشى ياسيدى الدين هو الإسلام طب متحط دينك جواك ومتوجعش دماغنا بقى وتعمل قلق
جمييييييييل
طيب هو الدين بتاعنا زى اليهودية حكر على طائفة وبس ؟
هو الإسلام دين انانى ؟؟؟
إذا كنا بنزعم إن دينا هو الصواب والحق الوحيد وإن اللى ميؤمنش بيه مصيره للجحيم يبقى مش واجب إنسانى إننا نبين حقيقة الأديان الأخرى وبطلانها عشان ننقذ الناس ؟!!
وإننا نقولهم ياجماعة الصح اهوووووووو ....
واللى عايز اهلا وسهلا واللى مش عايز براحته وبردو اهلا وسهلا بس يبقى عملنا اللى علينا

مش ربنا بيقول (لما تعظون قوماً الله مهلكهم أو معذبهم عذاباً أليما قالو معذرة إلى ربكم ولعلهم يهتدون )
يعنى الآية بتقول ادعو الناس حتى لو همه مش عايزين عشان نبقى قدام ربنا عملنا اللى علينا وفى نفس الوقت ممكن ربنا يهديهم بكلامنا

يعنى نبقى عارفين الحق ونقول لأ لازم نراعى مشاعر الناس
يعنى نضايقهم بالحقيقة ولا نسيبهم على الضلال
ايهم احسن تراعى نفسية المريض ومتقولوش انه المرض هيقتله ؟
ولا تعرفه بالحقيقه عشان يتعالج أو تبقى اخليت ذنبه من رقبتك
؟؟؟!!

طب فى فتنة ومشاكل يانور وممكن تأجل الكلام دة ؟
طيب مهو على طول فى مشاكل ... كل يوم مشكلة
والسبب إن كل طرف فاهم انه صح من غير ما يناقش التانى طب منقول ونتكلم وبالاحترام وبدون نفى للآخر
يعنى احنا كمسلمين صح لكن مش من حقنا نجبر حد ولا من حقنا نعتدى على حد
واللى قتلو المسيحين فى ليلة العيد دول مجرمين وقتلة والقصاص هو حق الله فيهم دة دينى ودى قناعتى
بس همه المسلمين يعنى اصلا وحشين وولاد كلب ؟!!
والمسيحين ودعاء ومساكين ومُعتدى عليهم ؟؟!

هو مش الولد المسيحى هو اللى اغتصب البنت اللى عندها 12 سنة وصورها كمان
هى اى عائلة فى الدنيا تقبل بدة
لو سألتنى ايهم تختار وماذا ستفعل أن يُقتل أخاك أوتغتصب أختك
لأخترت قتل أخى
أما هعمل ايه ... ااقولكم لو اخويا اتقتل مش هاخد بتاره والله لأن القصاص دور الدولة وإلا تحول المجتمع لغابة
لكن لو اغتصبت أختى فلن أرضى بديلا عن ذبح المجرم وحرقه
وكلنا كدة جريمة الاغتصاب ابشع الف مرة من جريمة القتل
لأن اللى قتل قتل الجسد ودى جريمة لكن اللى اغتصب قتل الكرامة وقتل الحب وقتل الأمان ودى جريمة اعظم

هو ليه المسيحين كل ما واحدة تدخل الإسلام تقوم الكنيسة وتقول : المسلمين خطفوها
وكلنا شوفنا دة وطلع برنامج العاشرة مساءا وقدم نموذج للأختين اللى اسلمو واتجوزو من شابين مسلمين
وقالو لا كنا مخطوفين ولا نكد ...
وطلبو على الهوا حمايتهم من المسيحين اللى بيهددوهم بالقتل مش دة حصل

ليه البابا شنودة بنفسه وجلالة قدره مقلش الحقيقة لما (وفاء قسطنطين) زوجة القسيس اسلمت
وطلع يقول المسلمين خطفوها

ولما ظهرت الحقيقة انها مسلمة عن اقتناع من 3 سنين وبقى شكل الكنيسة وحش لقينا كل المسيحين فى مصر بيرددو قول واحد :
وهو ان القسيس كبر فى السن ومبقاش بيقوم بواجباته الزوجية كويس فوفاء راحت تشوف مسلم يقوم بالمهمة بداله
كدة وبنفس الطريقة رموها فى عرضها واقسم بالله سمعت الكلام دة بنفسى من كل مسيحى اعرفه
يعنى مبيدخلوش الإسلام إلا خطف .. يا إما عشان الجواز والجنس

ليه البابا هدد بالاعتكاف فى الدير لو الشرطة مسلمتش وفاء للكنيسة
وليه لما الدكتور محمد عمارة قال ان الكنيسة قتلتها وطالب بظهورها على الهواء تقول انا رجعت للمسيحية زى ما الكنيسة زعمت
ليه دة محصلش ليييييه مظهرتش ؟ فين وفاء قسطنطين اختنا المسلمة ؟!!
رغم إن سكرتير البابا الأنبا يؤانس اكد انها هتطلع على الهوا تقول أنا مسيحية
.. ومحصلش يا نيافة الأنبا

ليه الكنيسة بتلوى دراع الدولة وليه الدولة الضعيفة توافق وليه الدولة محطتش حراسة كافية للكنيسة عشان ميحصلش اللى حصل فى نجع حمادى بدل ما بتحط مليون عسكرى لموكب اى قرد فى الوزارة

المسؤل عن الفتنة هى الدولة اللى محمتش الكنيسة .. والكنيسة اللى بتستفز المسلمين ليل نهار

ليه البابا (مشلحش) الشيطان القذر (زكريا بطرس) اللى بيشتم فى النبى ليل ونهار وبيوصفه بالدعارة وبيوصف ازواجه بالبغاء وبيوصف الصحابة بالقتلة
ليه البابا مشلحوش يعنى مجردوش من رتبته الكنسية لحد دلوقتى
دة مش بس كدة قداسة البابا طلع علينا فى جريدة اليوم السابع بجملة غاية فى الاستفزاز ويقول على زكريا بقلظ ولا بطرس (ياجماعة مهو محدش عارف يرد عليه )
محدش عاااااااااااارف إيه ؟
يرد على مين ياقداسة البابا ... دة جبان وبيرفض اى مناظرة

طب انا بقى برد عليه بمقالاتى وبرد على كل اللى بيشتمو اسلامنا ليل ونهار على البالتوك
واللى بيشتمو دينا على كل المنتديات المسيحية كلها بلا استثناء
وبرد على تعاليم الكنيسة اللى بتعلم اولادها إن محمد رسول كذاب وسفاح وشهوانى مزواج
اوك انا موافق ان الكنيسة تحمى اولادها من الاسلام بالكلام دة براحتها .
وانا كمان من حقى احمى المسلمين بمقالاتى

لكن الفرق إن كلامى كله بالادلة والبراهين وكلام الكنيسة بلا برهان واحد ومقالاتى هتثبت دة
مقالاتى عشان حملة التنصير البشعة اللى شغاله على المسلمين
تعرفو إن فى عشرين الف تم تنصيرهم فى الجزائر فى اقل من خمس سنين
ليييه ؟؟
عشان جهل المسلمين اللى بيسمعو كلام معسول من قبيل :
المسيح فدانا مات على الصليب عشان يحمل خطيانا يسوع بيحبك


عشان لما زرت واحد صديق ليا وحق الله هذا حق اشهد الله عليه : كان صديقى دة عايش فى قرية فقيرة لقيت 3 بنات بارعين الجمال والأناقة
سألته ايه يبنى الحاجات الحلوة دى ؟ غريبة فى بلدكم حاجات كدة .
قالى لأ دول اكيد مش من هنا

دقايق ولقتهم واقفين قدامنا بيسألونا فين (قبلى البلد لو سمحت ) صديقى وصفلهم ولما مشيو سألته يعنى ايه قبلى البلد قالى يعنى المنطقة الاخيرة عندنا ودى افقر منطقة فى البلد
بعد اسبوع قابلته صدفه قلتله ازيك ياسراج وبعد شوية سألته لسه فى بنات حلوة بتيجى عندكم قبلى البلد
وانا بهزر معاه لقيته قالى اسكت تعرف دول طلعو بنات من الكنيسة جم عرضو على الناس قروض ومساعدات
وبعد ين اتضح انهم عايزين ينصروهم فالناس رفضو

روحو شوفو جزيرة الدهب وازاى التنصير على ودنه هناك على الناس اللى مش لاقيه تاكل
والبركة فى الدولة العظيمة والحكومة الكريمة


وانا شخصيا والذى فوق السماء عرشه تعرضت للتنصير مرات ومرات
ولما امى الطيبة كانت بتدخل عليا حجرتى وانا بطالع الكتاب المقدس كانت تقولى مش تقرا فى القرءآن أولى يبنى
كنت بقولها يا أمى انا بقرأ فى كتابهم عشان ادافع عن كتابى
ودة اللى بعمله دلوقتى

ليه البابا مأعلنش استنكار علنى على اغتصاب المسلمة ليه البابا ماستنكرش الولد المسيحى اللى قتل جوز اخته المسلم وحاول قتلها هى كمان عشان اسلمت

انا ضد الكراهية وضد الاعتداء على أى مسيحى لأن الرسول الكريم اللى بيشتموه هو اللى نهانا عن دة
وهو دة اللى المسلمين عملوه طول 14 قرن من حسن المعاملة
والدليل وجود 6 مليون مسيحى بيعيشو معانا شركاء فى الوطن لهم كل الحقوق وعليهم كل الواجبات زينا زيهم كلنا اخوات فى الوطن ولو الاسلام كان شغال بالسيف زى ما بيقولو اومال همه ازاى مسيحين لحد دلوقتى

الغلط إننا نقول انهم ملهمش حق فى البلد
رغم إنهم بيقولوا اننا ابناء العرب الغزاة وبيطالبوا علناً بإخراج المسلمين من مصر

لكن انا من منطلق دينى بقول ان المسيحين دة وطنهم ودى بلدهم ولهم كل الحرية فى اعتناق ما شاءوا
واحنا كمان لنا كل الحرية فى إظهارالحق والظهور بما نعتقد ومن شاء بعد ذلك فليؤمن ومن شاء فليكفر

أنا مش قديس أنا اكتر الناس ذنوبا والله ..
ودة مش تواضع منى دى حقيقة اعرفها من نفسى .. انا زفت وقطران كمان
لكن ربنا ابتلانى بعلم فى المجال دة يبقى اكتمه موصلوش ولا احاول اوصله واقول للناس النور اهو يمكن ربنا يكرمنى ويصلح احوالى معاهم بدعوة صادقة من حد أو الأهم بكرم من ربنا

انا مش حد تقى ولا ورع لكن بحب الاتقياء وبحب الإسلام وبحب الدين دة اكتر من روحى ونفسى الكل يعرفه
انا بكره الغلط حتى وانا بعمله وبكره المعاصى رغم انى اكتر واحد بيقع فيها فى الدنيا
والامام الشافعى وصف حال اللى زيي ببيتين شعر لم اقرأ اصدق منهم
أحب ُ الصالحين ولست منهم .... لعلى أن أنال بحبهم الشفاعة
وأكره من كانت تجارته المعاصى ... وإن كنا سوياً فى البضاعة

عشان كدة كتبت عشان نفسى كلنا نبقى صالحين ونتبع الحق وبدعى ربنا انه يخلص نيتى ويهدينى للرشاد
ومش مكسوف إنى ااقول عن نفسى اللى قلته عشان انا كدة فعلا
لكن هكون مكسوف أوى قدام ربنا لو سألنى ليه مقلتش اللى تعرفه ليه مبلغتش رسالة دينك ودعيت الناس للهدى
وحميت اخوانك من الضلال

هقوله ايه ساعتها معلش يارب كنت خايف على مشاعرهم !!!
هى مقالاتى هى اللى بتهدد الوحدة الوطنية ولا التعصب ونفى الآخر وقتل حريته ؟
انا اهو بقول من حق كل مسيحى يدافع عن دينه من حقه يناقش كلامى ويهاجمه كمان
ومن حقى ارد ..

ومن له أذن فليسمع ومن له عين فليبصر

هو ايه الاحسن نسكت ومنبلغش ولا نتكلم ونقول ياجماعة الحق اهو وبدون اعتداء وبدون ظلم للمسيحين
انا عارف ان فى ناس محترمين كتير زى صديقى مينا اللى تقبل كلامى بصدر رحب
وهو دة اللى اقصده مفيهاش اى شيء لما نعرض دينا بكل وضوح وموضوعية
المسيحى يقول ... والمسلم يقول ..
واللى عنده عقل يختار براحته بلا إجبار بلا ظلم بلا إرهاب

لو ياشمس عايزانى اوقف مقالاتى ولو يا اصدقائى ياللى قلتو نفس الكلام عايزنى اوقفها اقنعونى
قولو جملة واحدة : ( متنصحش حد بالاسلام دلوقتى ومتهاجمش الكتاب المقدس وسيبهم براحتهم متعرفهمش شيء لا إسلام ولا غيره وكل واحد براحته .. ويعرف الحق لوحده )
اى حد هيقول الجملة دى ويقف بيها قدام ربنا اقسم بشرفى إنى هوافق
وهوقف مقالاتى فورا
ودة وعد شرف
انا خلاص خلصت كلامى ومش هنزل مقالى الجاى (هل الكتاب المقدس مقدس حقاً) قبل يوم الثلاثاء
عشان اوفى بوعدى لحد ملاقى اللى يطلب دة صراحة
وعند الله يكون اللقاء


................................
نور الدين



هناك 22 تعليقًا:

موناليزا يقول...

ماتكتمش علمك مهما كان الزمان والمكان
أنا أؤيدك فى الرأى
ولكنى مازلت متحفظة على عدم عرض نشيد الانشاد

غير معرف يقول...

ماتوقفش

كمّل رسالتك
هاتلاقي مؤيدين ومعارضين اكتر
اعمل اللي انت عارف انه صح ويرضي ربنا

نور الدين يقول...

موناليزا
..............
اهلاً بالاخت الكريمة
ولك جزيل الشكر على كلماتك وتشجيعك وتأييدك

بالنسبة لنشيد الانشاد فانا عارف انه هيكون نص صارخ !!
وعارف إن كتير هيتم جرح عيونهم لما يقروه
لكن اختنا الكريمة مقدرش معرضوش لان لازم الجميع يعرف الكتاب المقدس بيقول ايه
والفرق بين الطرح القرءآنى والطرح المسيحى والفرق بين اسلوب النص هنا وهنا
انا مقدر تماما رؤيتك وموقفك اللى بينبع من حيائك النبيل
لكن النص دة من اهم الأدلة اللى بتثبت صحة الموقف الإسلامى من إن الكتاب المقدس تم تحريفه
فارجو انك تتفهمى نظريتى
كل تحية وتقدير

نور الدين يقول...

غير معروف
.............
شكراً لكلماتك
وصدقنى أو صدقينى انا لا يزعجنى ابداً وجود معارضين بالعكس فربما أكون على غلط واللى عنده الصح اشكره لو قدمهولى
لكن اللى يزعجنى هو المطالبة بالصمت بلا اسباب ولا ادلة
تحياتى العميقة

مجداوية يقول...

السلام عليكم

أنا رأيي دائما وسيظل أن باباهم شنودة هو سبب هذه الفتن فجملته الخبيثة لليوم السابع هو اسلوبه في السخرية وأكثر ما يحزنني هو نفاقه من كثير من المسلمين وكان السادات عنده مليون حق لما حدد اقمته وهمشه

أما بالنسبة لتدويناتك فأنت درست مقارنة الأديان وتعلم خبايا عن دينهم لا نعلمها نحن المسلمين ولكن كما قلت عرض هذا كله بمنتهى الموضوعية والأسلوب المحترم البعيد عن السخرية فيكون تحليل موضوعي وشرح علمي بدون تدخل الأهواء الشخصية


الخطاب الاسلامي للنصارى على البالتوك معظمه مسىء للاسلام لأنهم يستخدمون نفس أساليبهم المسيئة والرد بالمثل ليس هو الحل ولكن الرد بالحجة والدليل فالسب والشتائم حيلة العاجز ونحن لسنا عاجزين وليتم الله نوره ولو كره الكافرون


من المهم جدا في ختام كل تدوينة لك أن تشرح وجهة نظر الاسلام في الأمر الذي تعرضه وتبين الاختلاف لكي يجد القارىء المقارنة وبالفعل يكون له الاختيار بين هذا وذاك

خير وسيلة للدفاع هي الهجوم
لذا فانا أؤيدك تماما فيما تفعل وكفى تفريطا في ديننا ونصرته وكفى افراطا في الصمت وفي نفاقهم على حساب الحق

نشيد الانشاد
:)

هو مين المفروض يخجل منه يا موناليزا !!!؟

سبحان الله العظيم صدقت يا رسول الله فإن الحياء شعبة من الايمان

والحياء كله خير


كلمة أخيرة أخي الكريم
ضع نصب عنيك أن الهدف هو نصرة دين الله وليس نصرة نفسك ولا نيل الاعجاب من الغير وجدد النية دائما لهذا وأنا أعلم أنك تفعل لهذا ولكن الشيطان يترصدنا على الطريق المستقيم فاستعذ بالله منه واستعن بالله عليه وعلى أعوانه ولينصرن الله من ينصره

سلمى يقول...

السلام عليكم
اولا دعنى اخبرك سيدى اننى اشعر انك تقول غدا اختبارك اذا اليوم سأنشر مقالى لكن اعذرك فأنت لا تعلم وانا ايضا لا استطيع منع نفسى من قراءه ما تسطره اناملك فسلمت اناملك
ثانيا بعد ان قرئت مقالك الاخير (الدين والحضاره)كنت اذاكر فى كتابى وان كنت لا تعلم فانا دراستى ازهريه فوجت فى مادتى شبهات يطلقها اعداء الاسلام والعلماء يردون عليها فتذكرتك ووعدت نفسى اننى لن اذاكر للاختبار ولكنى سأدرسه حتى اكون مثل معلمى عذرا سيدى فقد اسميتك معلمى وقدوتى بعد رسولى عليه الصلاه والسلام
وبدئت فى دراسه كتبى وليست مذاكرتها ووجت اشياء احببت الاستفسار عنها فدونتها حتى اسئلك عنها بعد انتهاء اختباراتى
سيدى لا اعرف ماذا سأفعل ان اوقفت مقالاتك اعتقد اننى سامتنع عن مدونتك نهائيا ناهيك عن الحزن والحسره اللذان سيكونان حليفى
اكمل مقالاتك فأنا لم ارى شخص بارع مثلك ولم ارى تلك الثقه ابدا فى غير ليس شكرا ولكن هذا الحق ويجب قوله
اكمل بـأسلوبك المهذب الراقى الذى لا يتعدى على احد اى كان من هو اكمل فقد رأيت مواقع تسب الرسول ولم افعل شىء اكمل ربما مقالاتك قد تغيير الكثير والكثير منى
اسفه ان اطلت عليك ولكن اعذرنى
فمقالك يستحق
شابوه

إبن الإيمان يقول...

بسم الله والصلاة والسلام على حبيب الله

ألأخ نور الدين:
نور الله طريقك وطريقنا بنور الايمان ونصرك على من عاداك

أستمر بارك الله فيك ونحن معاك
أللهم أحفظ نور الدين لدينك وجميع الشباب المحترمين الحلوين وزدهم من علمك يا كريم يا ألله.

آمين



أخوك إبن الايمان

شمس النهار يقول...

شوف يانور

انا عمري ماحبيت اقيد حرية حد
وحتي وانا بربي بناتي ربيتهم اننا نتناقش نسمع بعض
وبعد كده نقرر الصالح ولو اختلفنا نرد الامر لله ولرسوله
ومايمليه علينا دينا الحنيف

كل اللي كتبته عن التبشير اعرفه وازيد كمان

والعجيب علم الدوله بذلك وعامله ودن من طين وودن من عجين
وفي حاجه في ناس بتتنصر علشان تاخد الفلوس وبعد كده بتسلم تاني
او بتعمل نفسها اتنصرت علشان برضه تاخد الفلوس

ماحبش ان تكتم علمك علشان دي امانة فهو شرعا غلط

ولكن

المشكله تكمن في اننا شعب لم نعتاد علي السمع والحوار
والتواصل مع الاخر
اذا دخلت في حوار بناء مع احد في ثواني ينقلب لعصبيه وشد وجذب

كلامك كله صح من حقك عرض قضيتك

ولكن هل ستقدر ان تسيطر علي الموقف

اذا وجدت في نفسك هذه الموهبه السيطره علي الموقف
ووضع الامر في نصابه

هكون اول من يقول لك اكمل كلامك جميل وجهد كبير
وعلم قد حباك الله به
والحقيقه انا بستفيد منه علي المستوي الفكري جدا

لكن بكل الصدق ان وجدت نفسك لاتستطيع السيطره علي مسار الحوار
تراجع ولن يلموك احد

في النهايه نحن اسرة واحده
ونهدف للتواصل البناء المثمر خير وليس شر

اشكرك علي كلامك وثقتك بي اللي هي كتير عليه
ماانا الا ام تخاف علي ابنائها من الفرقه والشقاق


بالنسبه لموضوع نجع حماد

فهو في رقبة كل المسؤلين من مسؤلين دنيا او دين

احنا بنتكلم في الصعيد حيث العادات والتقاليد والتاااااااار

ليه لم نتحرك لحل المشكله الاولي وهي اغتصاب الطفله
والصور والكلام ده كله
اعتقد ان ده لعب بالنار

لو الموضوع ده كان اتحل
ماكنش الناس دي ماتت غدر

وعلي كل حال
ربنا يستر علي البلد دي

سلامي

نور الدين يقول...

مجداوية
..............
بحق وقفت امام تعليقك مندهشا ً
كأننى استمع إلى سمية أو أم عمير
لله درك من صادحة بالحق لا تخشين فى الله لومة لائم
صدقينى اخت مجداوية كم اشعر بالتضاؤل أمام كلماتك
وقولك هو عين الحكمة سندعو لديننا بلا سخرية وبلا سب لأن السب حجة من لا حجة له

أما عن نشيد الإنشاد فقد اختصرتى أنت رءيتى فيه بقولك ان (اللى يتكسف منه مش احنا اللى يتكسف منه همه اللى بيقوله انه كلام ربنا )


اما ما هزنى هزافهو نصحك الأخير لله درك من نور يضىء الطريق ومن اخت احسنت النصح
وقالت ما انا فى امس الحاجة لسماعه
نعم اختاه اسأل الله صدق النية وما أنا إلا عبد لا حول له ولا قوة وإن كان ثمة فضل فهو من الله وإن كان ثمة علم فهو إبتلاء قد يكون حجة عليا لا لى
اسأل بالله دعوة لأخيك بظهر الغيب أن يصلح نيتى وسريرتى وعلانيتى
هذه أمانة انتظرها منك فى سجدة لله بظهر الغيب
...
فى حفظ الله وكل تحية وتقدير

مصطفى ريان يقول...

اتفق معك فى موضوعك وفى طرحك
ولكنى ارى ان هناك شيئ تغير في العلاقه بينننا كسمليمن ومسحيين .نحن تغيرنا
ولكن برغم كل شيئ يجب ان نظل ابناء وطن واحد يجب ان يظل الحب يجمعنا وان تحل مشاكلنا بداخلنادون تدخل اجنبى من اي احد
لك كل تحياتى ومحبتى يا اخى

نور الدين يقول...

سلمى
............
اهلا بالاخت الكريمة الفاضلة
تعلمين ياسلمى ولا شك أنك كنت واحدة من ثلاثة اشخاص هم من جعلونى أبدأ هذه السلسلة
أما عن دراستك الازهرية فصدقينى انت محظوظة ولا يعلم قيمة التعليم الأزهرى إلا من حرم منه أنا تعبت جدا لأجمع مادتى العلمية سواء فى الاديان أو التاريخ لأن أنا دراستى ملهاش علاقة نهائي بدة وانت فى الازهر هتدرسى كل دة إذا كنت لسه فى الثانوية فتأكدى إنك فى الجامعة هتحصلى على منابع العلم الصافية خاصة لو دخلتى أصول دين أو قسم حديث

أما عن قولك قدوتى فارجوكى لا داعى لمثل هذا القول فلست ُ أهلا لذلك فلا تحسنى الظن بى حقا هذا الأمر آلمنى فبالله خذى العلم ولا تقتدى بصاحبه فما هو بمن يُقتدى به

لا ياسلمى انا يهمنى ان اخت كريمة زيك تزورنى طبعا وانا اعدك إنى هكمل المقالات
وبعد امتحانات إن شاء الله اسألى فيما تشائين ولو اعرف أكيد هجاوب ولو معرفش هعتذر ببساطة واقولك عذرا أجهل هذا الامر
....
شرفتينى ياسلمى كل تحية وتقدير

نور الدين يقول...

شمس النهار
.................
اهلا بالاخت كريمة الخلق كريمة القول
تعرفى ياشمس توقعت إنك تزعلى من مقالى والأمر دة فعلا كان قلقنى جدا لانك اخت فاضلة

وانا واثق فى حسن نصحك طبعا وعارف انك لا تقصدين تقييد حريتى

وانا متفق معاكى إن التعصب بقى سمة الحوار بيننا اقصد فى مصر يعنى
لكن انا بحاول اعمل نوع محتلف بلا تعصب انا فى كل مقال بأكد حرية الآخر
يبقى ايه المشكلة انى اتكلم ما دام فى حدود قبول الاخر
...
كل تحية وتقدير لكِ ياشمس وحفظك الله شمساً منيرة

نور الدين يقول...

ابن الإيمان
................
اهلا بالاخ الحبيب والقلم المنير
وجود من هو مثلك يشعرنى براحة ويزيل أثر الغربة عن نفسى
تقبل الله دعواتك وجزاك الله كل الخير على جميل موقفك
وإن شاء الله اخى الحبيب سأكمل ما بدأناه ولله الأمر ونسأله حسن القصد
كل تحية ومودة وحب اخى القريب

سلمى يقول...

السلام عليكم
اختى تحيه طيبه اليك
نعم سيدى انا فى السنه الاولى من الجامعه وفعلا اكرمنى الله ودخلت اصول الدين
اما عن قدوتى فلا تحجل سيدى فكلنا ذوى اخطاء واعترافك بخطئك فى مقالك كان من الاشياء التى سعدتنى ان يعترف الا نسان بخطئه افتخر انك تخطىء فكيف ستتعلم ان لم تخطىء واسعدنى جدا تواضعك فمن تواضع لله رفعه
جزاك الله خيرا لصدرك الرحب وادعولى ان يكمل الله شرف دراستى والتحق بقسم الحديث
شابوه

ما علينا يقول...

أخى نور

حتى وإن جاءك من طلب منك التوقف عن سلسلة مقالاتك وتوقفت إذعانا لوعد الشرف الذى قطعته على نفسك
فلن يعفيك هذا من المسئولية أمام رب العباد
فهل ستشترى وعدك لمخلوق بمخالفتك وعدك للخالق فقد حملت نفسك عهدا منذ بدأت أن توصل لغيرك من اخوانك واخواتك فى الله علمك الذى منّ الله عليك به ولا فضل لك فيه إلا ما أراده الله لك
مسئوليتك كما وضحت انت فى العلم الذى تحمله بين جنباتك وكل مسلم فى أشد الحاجة ليعيه ويدركه
أخى أعد قراءة مقالتك هذه وستدرك تماما الإدراك أنه واجب عليك اتمام ما بدأت فأنت تقدم من خلال مقالاتك خير لكثيرين أسأل الله لك اخلاص النية لوجه الله تعالى فى هذا العمل

وتحمل كلمتى الأخيرة وإن كانت حادة أخى
احسم أمرك مع نفسك
إن وددت أن تتوقف فعليك تحمل المسئولية أمام ربك ولا تبحث عمن يتحملها عنك ممن يطلبون إيقاف المقالات
وأعيدها عليك هذا الوعد الذى قطعته على نفسك لمن ينبرى ويطالبك علانية بالتوقف لن يعفيك أبدا
أنت حامل العلم وستكون أنت مانعه

والاحتقان منذ أمد وهو موجود وهذا لسبب بسيط جدا

النصارى لا يعترفون بالإسلام دينا لأنهم لا يعترفون بمحمد صلى الله عليه وسلم رسولا
ولذلك هم يكنون لنا كراهية وإن ظهرت منهم نعومة التعامل وكياسة الأسلوب

إنهم أهل ذمة لهم علينا حق ولكن هذا عند التزامهم بما عليهم من واجبات
وحدود

أسأل الله للجميع العفو والعافية

زهرة الكاميليا يقول...

مرور للتحية ..

يبدو أنه فاتني الكثير ..

سأذهب للقراءة والمتابعة ..

فالموضوع جداً هام ,,

بارك الله فيك يا نور الدين.

شمس النهار يقول...

تتوقع اني ازعل

ليه بس
انا بعتز بك ابن بار

والخلاف البناء لايفسد فعلا للود قضيه
شوفت قد ايه احنا بنخاف من الراي والراي الاخر
قد ايه بنخاف نختلف لنزعل من بعض

انا اكثر الناس ايمان بأن السمع والحوار اهم ركن بين اي اتنين
حتي لو كان ساكن وبواب

بالعكس احب النصح
واحب من يقول لي انه يحبني انه ينصحني ويناقشني
وتكون في لغة للحوار والتواصل بينا

ومادام انت اخترت المواصله يبقا انت قدها انا اثق بك
ولااملك غير اني ابقي معاك واتابع

وانصحك بتوخي الحيده والصراحه الغير مؤذيه
والحقيقه المتوجه بالمراجع
والمنطق الجميل
والقول الجميل

ربنا عز وجل قال لموسي (اذهب لفرعون وقول له قول جميل)
مابالك احنا بنتكلم مع بعض في موضوع شائك
وفي وقت حرج
ربنا يكرمك يانور
ويلهمك الصواب

تقديري وسلامي لك

☼♫♪ عمــاد الدين يــوسف ☼♫♪ يقول...

صديقي العزيز نور الدين الاسم على مسمى

اولا : مادام التناظر في إطار الاحترام وعدم التهكم والتحقير من شأن الاخر + ومادام مصحوبا بالادلة والبراهين + ومادام ( لا إكراه في الدين ) + ومادام التبليغ هو نوع من الدفاع عن صورة الاسلام المتهمة بتنبي العنف وتجريد الآخر من كل حرماته

أرى إن تجمعت تلك المعطيات ، لا يعتبر ما تقدمه نوعا من ازكاء النار بل خمدا لها كليا لأن الاسلام لابقر القتل والاكراه ، الاسلام دين ( اذهبوا فانتم الطلقاء ) الاسلام السمح الذي عاش في ظله الغير مسلمين لا فرق بينهم والمسلمين هم يدفعون الجزية ونحن ندفع الزكاه ، الاسلام لن يضيره اذا رحل عنه كل معتنقيه لانه اصلا عزيز بنفسه كمنهاج قوي محكم ، وهذا في حد ذاته معجزه ودليل على انه من عند الله

تحياتي

غير معرف يقول...

حرمت اناملك على النار استمر والله هو المعين ان شاء الله ولاتبالى فى الحق لومة لائم ولاازيد على كلام الاخت الفاضلة مجداوية اعزها الله ففيه الخلاصة لما اود قوله اللهم اعز الاسلام برجاله اللهم امين وجزاك الله خيرا
اختك هداية

نور الدين يقول...

مصطفى ريان
.................
اهلا اخى العزيز يسعدنى مرورك
وانا اتفق معك تماما انه يجب تنقية الاجواء وعدم اشعال الفتن وان يكون الحوار بالحسنى
وحشنى يادرش بقالك مدة غايب لما اشوفك بس



سلمى
................
جزاك الله على حسن ثقتك وأسأل الله أن اكون عند جميل ظنك
وان شاء الله تكملى دراستك وتنبغين فيما تدرسين فقط انصحك بالقراءة الخارجية وحب العلم فى حد ذاته وكلما قرأت كلما تم صقل موهبتك الواضحة
كل امنيات طيبات اختنا الكريمة


ما علينا
.............
اهلا بك وسهلا ايتها الكريمة
بس تصدقى بقى انى قلقت وحسيت انى هتضرب بجد لو مكملتش !!
لايااستاذتنا الفاضلة اعدك كما وعدت سابقا انى هكمل وإن شاء الله يكون وفاء
اعجبنى قوة منطقك ووضوح رؤيتك
كل تحية وتقدير اختنا الكريمة

زهرة الكاميليا
.....................
الآن تكتمل سعادتى بزيارة اختنا الكريمة والقلم الصديق الذى كان اكرم ضيف منذ بداية المدونة
كان لى عليك عتاب كبير ايتها الكريمة لكن مرورك محى كل شيء
دمتِ أختاً كريمة ياكاميليا


شمس النهار
...............
اهلا بالاخت الفاضلة شمس كنت اثق بأن هذا سيكون موقفك فأنت شخص نبيل بحق
وانا اثق بحياديتك ولا شك
وإن شاء الله سأراعى ما لفتِ نظرى إليه فى مقالاتى القادمة
ونسأل الله صدق النوايا
لك كل تحية وتقدير ياشمس


عماد الدين يوسف
........................
اهلا بالقريب المقرب والاخ المحبب
نعم اخى الحبيب هو تناظر لا تناحر وهو نقاش لا شقاق
ونحن نوقن بحرية الآخر ونحترم له اختياره
وديننا كما اوضحت أنت هو دعوة للسلام والحب وإظهار الحق
كل تحية وتقدير لمرورك الغالى ايها الحبيب

غير معروف(هداية)
.....................
اهلا بك أيتها الأخت الكريمة واسأل الله أن يتقبل دعوتك تلك وأن يجعل لى منها نصيبا وأن يحرم اجسادنا وآبائنا وآمهاتنا جميعا على النار
إن شاء الله سيكون تكملة اعمق تحياتى

مهندس مصري يقول...

اتفق معك في كل كلمة كتبتها
كأنك قرأت ما بنفسي
و أقسم بالله أنني أتمنى ان أتمكن من أن افعل مثلك و لكنني لا أملك العلم و لا القدرة على ذلك رغم قراءتي الكثيرة لمدونات و مواقع و كتب ضد التنصير
و مشاهدتي لمناظرات الشيخ أحمد ديدات رحمه الله
لكنني لم أدرس الموضوع بشكل علمي يمكنني من الرد بقوة و ثقة مثل الدارسين
لكنه أعطاني ما أدافع به عن نفسي
استمر وفقك الله

nour shahen يقول...

مش عارفه اقول ايه بس خد بالك من نفسك وكمل وربنا الحافظ واسمحلى انشر الابيات الجميله دى بالصفحه عندى علشان افتكرها دايما لأنها من اجمل من قرأت
أحب ُ الصالحين ولست منهم .... لعلى أن أنال بحبهم الشفاعة
وأكره من كانت تجارته المعاصى ... وإن كنا سوياً فى البضاعة

تحياتى ليك