الخميس، 27 يناير، 2011

بكرة جاى ... ياترى إنت جاى ؟!!

بكرة ياشباب بكرة يارجالة بكرة يا أبطال 
خلاص القطار اتحرك ياترى هتلحق ولا هتقعد تستنى وبعدين تقول يارتنى كنت معاهم 
محمد كمال المدون الصديق تم اعتقاله امبارح من وسط البلد 
لسه فى أماكن كتير فى المعتقل حد ييجى لأن طريق الحرية لازم يمر على محور المعتقل 
وممكن على مقبرة وممكن ترسى على سحل وكام قنبلة لكن كلهم بيوصلوا لنفس المكان ميدان الحرية 
حد عايز حرية ؟
اللى عايز يخرج بكرة 
اللى مش عايز عادى هيعيش وهياكل وهينام وفى الآخر هيموت بس لما يجي يموت هيسأل نفسه ياترى ايهم افضل إنى عشت حمار وبموت حمار ولا إنى هعيش أسد حر ولو ليوم واحد 
والله العظيم اليوم دة يستاهل يستحق 
جرب تعالى دى مش نزههة دى قضية قضية حقيقية 
همه غنوا لمصر بالكدب واحنا هندافع عن مصر بالصدق 
من غير تخريب من غير تكسير من غير تدمير هندافع بصدور عريانة لكن جوة الصدور العريانة قلوب عمرانة 
عمرانة بالحق عمرانة بالايمان بإن ربنا معانا 
مليانة بان بجد البلد دى تستاهلنا ونستاهلها 
اخرجوا بكرة اقسملكم بالله لو خرجتم هيركب الطيارة 
مهو لازم يركب الطيارة 
انا متفائل وواثق انكم اشراف وهتيجوا بكرة 
عشان نركبه الطيارة 
لازال فى جدة  أماكن شاغرة 
**************************

هناك 8 تعليقات:

bombona يقول...

بصراحه انا من رأى ان كل اللى بيحصل ده مش منطقى يا جماعه انتوا عايزين ايه ؟الريس يمشى؟
اللى عايز واحد يمشى المفروض يروح له لحد عنده ويواجهه ويقول له فى وشه:امشى كفايه كده يبقى معناه ايه انهم يتظاهروا فى حته تانيه بعيد عن بيته يا جماعه عشان نكون مؤثرين وبنعمل حاجه ليها معنى لو سمحتوا روحوا لعند بيت الريس واطلبوا منه يمشى ,معناه ايه التظاهر فى التحرير وجامعه القاهره ولا السويس ولا طنطا ولا اسكندريه يا جماعه روحوا لعند بيت الريس والله ده ها يوتره اكتر وكده هاتضغطوا عليه ويحس انه مكروه بجد وحتى لو مامشيش هانكون على الاقل نفسنا عن غضبنا وضغطنا عليه نفسبا ماهو ضاغط علينا عمر بحالوا, كل واحد فينايسأل نفسه لو جم تلاته او اربعه تحت بيته وطلبوا انه يمشى من بيته وهتفوا ضده هايكون شعوره ايه ؟وهو هايعرف شعور الريس هايبقى ايه وحدوا صفوفكم بكره فى مكان واحد والكتره احسن بدل ماكل مجموعه تكون لوحدها فى حته وربنا ينصرنا انشاء الله

ما علينا يقول...

يارب النصر
يا رب الحرية والكرامة

يا رب الخلاااااااااص


اللينك دا لبرنامج يساعد على فتح المواقع المحجوبة

حملوه و المواقع هتفتح ان شاء الله

http://www.4shared.com/file/8MtFBeH_/HSS-152-install-anchorfree-244.html

ابن الإيمان يقول...


السلام عليكم..:
قلوبنا معكم..وارواحنا عندكم..
فانتم أمل الامه..وراس حربتها في وجه الطغيان على مساحة العالم العربي..
وإن شاء الله قريبا نرى جند الله على اعتاب غزة الابيه ومنها الى القدس الشريف,لتزول الغمه الى الابد , وليقطع رأس الافعى الام من هناك...
كلنا يدرك أن ثورة مصر وحريتها هي مفتاح تحرر الشعوب العربيه جميعا..
اذا توقفت ثورة مصر الحاليه وصمد الصنم (هبل ) فيها على كرسيه, ستتنفس باقي الاصنام الحجريه الصعداء, وسيتوجب علينا الانتظار حتى يشيخ الصنم الابن (جمال) وباقي الاصنام وهي رازحه على صدورنا..
نسأل الله تعالى الفرج القريب لاهل مصر ولنا جميعا..
كونوا بخير وعافيه لاننا بحاجة لكم..ولانكم أعزاء علينا..فالجواهر النادره يصعب التفريط بها..

اخوك

ابن الايمان

سندباد يقول...

وكان حقا علي الله نصر المؤمنين

ahmed_k يقول...

جمعة الغضب 28 يناير كان يوما فارقا في التاريخ ولن يمر على الذكريات مرور الكرام
فعلى مقصلته تم قصم أظهر الظالمين وفي ساحته اريقت الدماء التي كانت هي النهر للعبور إلى الحريه والكرامه والشرف
وهذا اليوم خصيصا زأرت فيه مصر من أقصاها إلى اقصاها أن البقاء لمصر ولشعب مصر والشخاص زائلون
فهنيئا لكل من شارك فيه ولكن من أنلقت حناجرهم فيه تقول لعهد الظلام كفى فلا مكان لك بيننا من جديد
وكل التحيه لشباب وشابات ورجال ونساء وشيوخ وكهول مصر ممن دعموا هذه الثوره ، والخزي والعار لكل من حاول وأدها وامتطى جواد المصالح الخاصه والرؤيه الضيقه

سفينة يقول...

تحيا مصر تحيا مصر تحيا مصر

ابن الإيمان يقول...


نور الدين,,فينك؟؟؟؟؟؟؟؟؟؟
شغلتنا عليك.....
طمنا باقرب فرصه...
مش لاقي طريقه اصلك بيها,.,,

أخوك

ابن الايمان

ابن الإيمان يقول...


بسم الله والصلاة والسلام على رسول الله:
الحمد لله ناصر المؤمنين..وخاذل المفلسين..
الحمد لله المعز المذل..
الحمد لله الرافع الخافض..
مبروك للامة كلها على التخلص من الطاغيه وزبانيته..
وكما تكونوا يولّ عليكم..
غيرتم فغير الله حالكم...
الحمد لله على اخراس السنة المنافقين متملقي الفرعون الطاغيه...

انتهت حقبة الظلم والآن بدأت مرحلة الجد والاجتهاد....

يا أبناء مصر..لم تناموا ولم ننم مثلكم طوال الفتره السابقه...

من اليوم يجب ان تظل العيون ساهره على تنمية وتنشئة هذا المولود الجديد(عصر الحريه..)..
علينا وعليكم السهر واليقظه حتى لا يخطفه منا الرويبضات ويئدوه في مهده..

اليوم يجب الحذر أكثر ..من المتسلقسن والمنافقين والمرجفين..وأعداء الامه..

اليوم بدأ العمل الجاد ..في تثبيت الحق وإزالة رواسب وتداعيات فترة الظلم والجبروت ...
البداية يجب ان تكون بانصاف أهل غزه الذين حاصرهم الفرعون الطاغيه..يجب فك الحصار عنهم..وإغاثتهم فلهم حقان عليكم..
حق الاخوه..وحق الجيره...
اليوم استجاب الله سبحانه لاستغاثات ودعوات نساء واطفال وشيوخ فلسطين..
الحمل اليوم عليكم يا احرار مصر..
عليكم أمانة اغاثتهم وإزالة الظلم عنهم...
ننتظر ابداعات إبطال مصر في كل الميادين..
وفقنا الله وإياكم لما يحبه ويرضاه..

الحمد لله ..وتبارك الله..
اخوكم

إبن الايمان
((نور الدين:
الحمد لله انك بخير وعافيه..
لنكمل المشوار بثقه وايمان وعطاء كما تعودنا..
الحمد لله على السلامه...))